海南少爺 (已結業)

💡叹住海景食新加坡菜海南少爷系一间以星马菜为题嘅餐厅，装修好致，今次仲好好彩可以坐到窗口位，可以望住维港，下午时间仲有阳光渗透入黎，好舒服，一边食住野，一边望下海景，漫活一下。🍽海南鸡饭拼喇沙米线🐔话明系招牌菜，点可以唔试下招牌海南鸡饭，用左百日三黄鸡，加左$8转咗鸡髀肉，鸡肉结实有肉感，鸡皮滑溜得黎非常嫩滑，完全唔会鞋口。沾上三色酱甜豉油、姜蓉、酸辣酱，味道更丰富。油饭粒粒分明，淡淡香茅味。配埋喇沙米线，有蛋、虾等，好满足😋🍽椰香海鲜喇沙🦐就咁闻个喇沙已经好香椰香味，配料非常丰富， 有大虾🦐、豆卜、芽菜、鱿鱼圈，仲有半只半熟流心蛋等。大虾好弹牙，而豆卜索晒汤汁，好入味。面底系掺掺，混合左米线同米粉，食个阵捞埋店舖秘制辣椒酱🌶️就更加惹味。🍽沙茶牛肉芥兰🥬平时都好钟情食沙茶牛肉，上面铺满晒牛肉，香浓牛肉味，牛肉好嫩，而芥兰新鲜翠绿。🍽美绿哥斯拉口感够晒丰富，有好多美绿系面，好香浓，又够creamy😋