土司工坊 (荷里活廣場) (已結業)

星期日去荷里活广场睇戏，睇完戏想食个下午茶。不过，星期日，唔系到到都有下午茶，好多都系正价食品，就算有tea set ,都唔会有toast box $35咁抵食。一份tea ,有潮州辣虾米包，两只煎蛋，一杯南洋咖啡。潮州辣虾米包，面包微脆，内里松软，而且少少甜。辣虾米好香口，咸咸辣辣，真系有好多粒虾米喺到。比起平时食餐包只系配牛油或果酱，呢款包真系好特别，好东南亚风味。个煎蛋其实无咩特别，但值得一提系，餐厅自助枱放左啲酱油, 煎蛋配上呢种酱油后，味道升华。呢只唔似我哋食开嘅豉油，质地有啲似意大利黑醋。南洋咖啡今次我拣左配炼奶。口感好滑，南洋咖啡好香。餐厅职员先用滚水冲一冲个杯，感觉卫生。之后落炼奶，花奶，最后倒咖啡时系好似拉茶咁，用心之作。作为$35一个餐，真系超值。