屋子生活 (已結業)

今日系端午节，放假梗系出去行下食下野啦！之前有朋友约我去屋子生活，但迟迟未能约到，所以我就同大少2人世界啦！交通我觉得方便既，喺乌溪沙站一出就见到，商场楼底好高，行得好休闲舒适喔！我地等左15分钟左右就可入座，店内有落地大玻璃，如果唔系假日可坐窗边叹下茶，hea到晕啊！不过假期多人就迫啦！枱同枱之间都好近，私隐度就冇乜啰！餐牌有点旧同污渍，建议换一换新的客人睇得安心d，我手指都怕掂到个餐牌 (>﹏<)我叫左个冷泡荔枝玫瑰红茶，玫瑰味好出，唔会俾荔枝抢左味，而且甜度属少甜，岩哂我，冷泡荔枝出奇地多汁，好似食紧新鲜荔枝咁啊！大少叫左芒果豆奶冰沙，系季节限定，冰沙好幼细绵滑，芒果味唔假，配埋豆奶好似饮紧芒果奶咁样，唔会太甜，都几好味吖。仲叫左温泉蛋乔麦面，呢d咁热既天气，食冷乔麦面增加胃口，不过佢呢个做得普普通通，冇乜特别，但就要$85一碟啦！伯爵茶窝夫，我真系超中意呢个雪糕，伯爵茶味好浓，而质地界乎雪糕&雪芭之间，下面圆碌碌既窝夫，外型直头系一个冬甩，口感烟烟unun, 外脆内软，虽然牛油味唔多，但蛋同面粉香味浓厚，在口中留有蛋香，个人推介呢个窝夫喔！