寶湖茶餐廳

营业中

休息中

今日系星期六，好早起咗身。唔知做咩好，就落街叹个早餐啦。本身仲喺度烦恼紧，今日食蚬壳街嘅宝湖餐厅，新钊记定系红叶冰室好。点知乜都唔使拣，新钊记同红叶冰室今日都冇开门😂。入到宝湖餐厅，唔知系唔系因为隔离两间茶餐厅都冇开门嘅关系，入座率达九成。睇吓个Menu先，都有好多唔同款式可以选择。我拣咗个热香饼配珍宝肠（因为呢个款式好似系其他茶餐厅比较少见）配热奶茶。热奶茶够热够滑，好饮。热香饼佢摆左啲牛油，炼奶同埋花生酱系一边，茶多茶少可以自己控制。至于珍宝肠，估唔到又几有质素。虽然冇人赶我走，但见有人系度等位，食完即刻走，唔好阻人做生意先。埋单$38。