影片
更多
2022-04-07
155 浏览
星期日，最佳既节目莫过于系食Brunch，对吗?不过我今次唔系去酒店，而系去中环一间以日式居酒屋为主题既酒吧餐厅试下，几有趣咁。佢既三道菜Brunch索价$268，咪睇佢以为好少嘢唔够食，其实份量好大，我哋最终系抱住个肚走呀~加$198可以Free Flow 红白酒、啤酒、香槟、清酒、Cocktail和Mocktail等等，近排困左咁耐，难得出街食嘢，就饮啲Sake吧!头盘之一，系牛油果吞拿鱼沙律，足足半个牛油果切片，靓靓仔仔铺系吞拿鱼沙律之上，沙律大到吓亲。牛油果既生熟程度恰好，个人最喜欢柚子既酱汁，伴沙律好开胃可口。另一款头盘，系炸既大饺子，请店员帮忙切开两边，大家分吃。咬落香脆，唔会硬轰轰，馅料系日式叉烧，几好味。喜欢既话，可沾点阿根廷青酱，但我认为食佢既原汁原味会更好。朋友见到有鳗鱼，随即双眼发光。师傅将原条鳗鱼用火枪烧香，吃起来更香口。鳗鱼本身唔算太肥美，但汁酱调校得好，唔太甜，亦没半点腥。底下的玉子烧，总算嫩滑。牛角包卖相好似无乜生气，估唔到食落又几香。饭团塔既份量真系唔讲得笑，睇见师傅在准备时，我同朋友已经哗哗声。午餐肉御结好有夏威夷风，味道唔会死咸，质感几好，如果紫菜可
星期日，最佳既节目莫过于系食Brunch，对吗?不过我今次唔系去酒店，而系去中环一间以日式居酒屋为主题既酒吧餐厅试下，几有趣咁。
佢既三道菜Brunch索价$268，咪睇佢以为好少嘢唔够食，其实份量好大，我哋最终系抱住个肚走呀~
加$198可以Free Flow 红白酒、啤酒、香槟、清酒、Cocktail和Mocktail等等，近排困左咁耐，难得出街食嘢，就饮啲Sake吧!
头盘之一，系牛油果吞拿鱼沙律，足足半个牛油果切片，靓靓仔仔铺系吞拿鱼沙律之上，沙律大到吓亲。牛油果既生熟程度恰好，个人最喜欢柚子既酱汁，伴沙律好开胃可口。
另一款头盘，系炸既大饺子，请店员帮忙切开两边，大家分吃。
咬落香脆，唔会硬轰轰，馅料系日式叉烧，几好味。喜欢既话，可沾点阿根廷青酱，但我认为食佢既原汁原味会更好。
朋友见到有鳗鱼，随即双眼发光。师傅将原条鳗鱼用火枪烧香，吃起来更香口。鳗鱼本身唔算太肥美，但汁酱调校得好，唔太甜，亦没半点腥。底下的玉子烧，总算嫩滑。牛角包卖相好似无乜生气，估唔到食落又几香。
饭团塔既份量真系唔讲得笑，睇见师傅在准备时，我同朋友已经哗哗声。午餐肉御结好有夏威夷风，味道唔会死咸，质感几好，如果紫菜可以再脆口啲就更正。另一件其实都系午餐肉馅，不过经炸过，又唔同食法。
甜品系一件蜂蜜蛋糕，香甜软熟，顶头唧既忌廉唔太甜，配埋微酸既蓝莓，简单而美味。呢一餐，几特别~
张贴
