Lady M

营业中

休息中

今日和老公去湾仔，铜锣湾行街，行到攰攰地想揾个地方休息下食个 tea, 于是就去左 Time Square 里面既 Lady M 坐底食件 cake, 饮杯野抖一抖；可能果时系2点几3点下午茶时段和疫情关系，坐位与坐位之间要保持一段社交距离，所以里面只提供6-7张枱给客人坐；我地排队等左30分钟左右才有位；我地叫左一件玫瑰千层蛋糕，一件朱古力棋盘蛋糕和一杯冻柚子柠檬梳打。玫瑰千层蛋糕：蛋糕面有几片小玫瑰花瓣和一层好似啫喱状既物体，好香好清甜玫瑰味，但略甜左少少，下面就系一层一层既千层蛋糕，好香好滑既奶油味，物超所值；之前食过伯爵茶蛋糕已觉得好好味，估唔到这款玫瑰千层蛋糕令我有惊喜，值得推介。朱古力棋盘蛋糕：蛋糕面有一层朱古力，好浓朱古力味，蛋糕中间有一格格朱古力蛋糕和海绵蛋糕，好似西方象棋既棋盘咁，好别致，蛋糕几软熟，但本人都系比较喜欢千层蛋糕既口感。冻柚子柠檬梳打：柚子和柠檬十分之夹，味道刚刚好，不太甜不太酸。