妹記大排檔 (已結業)

小弟真系好钟意食小炒饮啤酒，感觉好放松，讲乜都得。叫咗乳鸽、啫啫通菜煲、炸大肠、西兰花鲜鱿、椒盐墨鱼咀。乳鸽 - 皮脆，无乜肉，食得唔太过引。啫啫通菜煲 - 呢个几惹味，推介。👍炸大肠 – 松脆干身，好食。👍西兰花鲜鱿 – 鱿鱼新鲜好食。椒盐墨鱼咀 – 椒盐惹味，墨鱼咀炸得几好，无乜油，送酒一流。👍总结：记得20年前已在金巴利街市开始帮衬，至今质素依然稳定，无退步。另外仲有叫咗4枝啤酒，四个人食饭，埋单$480，每人$120，又饮又食，相当经济。