顏府御膳 (已結業)

对自己好啲，不如食精致中菜啦！不过晚市食精致中菜通常都比较贵，所以我哋选择午市嚟到铜锣湾嘅颜府御膳。呢度嘅午市套餐有齐前菜、汤、主菜同糖水，价钱唔贵又见得人，真系嚟个lunch business meeting都得。老火汤今日嘅汤系雪梨红萝卜煲猪骨汤，劲足料好鲜甜，完全无味精，系屋企嘅原味道。口水鸡呢度嘅口水鸡系预先起骨，制成鸡丝，食得够晒方便之余，仲好入味；记住加埋青瓜一齐食，咁就更加有口感。味道方面唔算太辣，少少麻，味道好有层次。红椒汁芦笋虾饺另一个前菜选择咗红椒汁露笋虾饺，由于外皮用红椒汁制作，卖相呈橙红色，非常吸引，而食落仲有少少嘅红椒鲜甜味道。虾仁同芦笋带嚟double爽脆感，非常弹牙。野菌烧汁和牛主菜方面就拣咗和牛，估唔到和牛份量都唔少，牛肉味超香浓，加上烧汁就更加惹味。凉瓜豉蒜炆头腩头腩啖啖肉，鱼肉嫩滑，蒜头豆豉劲入味，用嚟送饭真系一流！南北杏雪耳炖万寿果糖水方面，万寿果非常清甜，加入冰糖、南北杏同雪耳，够晒润肺润喉，啱晒转天气嘅时间享用。（记住Like同Share畀朋友）By A姐M佬 玩乐日记