影片
更多
2022-11-17
9005 浏览
间唔中都会同朋友去观塘𠮶间「誉宴．星海」饮下茶，今次相约一聚，就拣左嚟铜锣湾呢间「星海荟」。呢间酒楼嘅环境真系一流，唔单止楼底特高，而且布置得非常瑰丽典雅，配以场内嘅旋转云石楼梯、浪漫花海、璀璨夺目嘅水晶灯，装潢极具气派，好适合用作婚宴场地。嚟到刚好系下午茶时段，一于剔多几个点心，坐低慢慢食、慢慢倾。鲍鱼汁炆凤爪 ($58) 凤爪以瓦煲上，好大只，份量十足，而且炆煮嘅时间啱啱好，又腍又入味，加上鲍汁完全渗透晒入皮下，入口胶质丰富。红烧王子乳鸽 ($68) 乳鸽大小适中，送上来时已经切成四件，入口皮脆肉嫩，皮薄多汁，毋须蘸点任何调味料吃，已相当滋味。鹌鹑蛋烧卖 ($38) 烧卖沿用传统做法，在猪肉上放上熟鹌鹑蛋，再盖上白色烧卖皮，猪肉嫩滑有肉汁，同鹌鹑蛋简直系绝配。XO酱炒肠粉 ($48) 肠粉好滑溜，质地软硬适中，XO酱味道亦唔会太浓，配合银芽、葱段同香口嘅芝麻，非常惹味！香菇银丝萝卜酥 ($34) 千丝酥送上时仍热辣辣，外皮好松化，入面酿满了香菇丝同萝卜条。香菇低脂、萝卜清甜，食落完全无油腻感。另外呢碟榄菜肉松炒饭 ($118) 水准亦唔错，炒得镬气十足，饭粒干爽，榄
间唔中都会同朋友去观塘𠮶间「誉宴．星海」饮下茶，今次相约一聚，就拣左嚟铜锣湾呢间「星海荟」。
呢间酒楼嘅环境真系一流，唔单止楼底特高，而且布置得非常瑰丽典雅，配以场内嘅旋转云石楼梯、浪漫花海、璀璨夺目嘅水晶灯，装潢极具气派，好适合用作婚宴场地。
嚟到刚好系下午茶时段，一于剔多几个点心，坐低慢慢食、慢慢倾。
鲍鱼汁炆凤爪 ($58) 凤爪以瓦煲上，好大只，份量十足，而且炆煮嘅时间啱啱好，又腍又入味，加上鲍汁完全渗透晒入皮下，入口胶质丰富。
红烧王子乳鸽 ($68) 乳鸽大小适中，送上来时已经切成四件，入口皮脆肉嫩，皮薄多汁，毋须蘸点任何调味料吃，已相当滋味。
鹌鹑蛋烧卖 ($38) 烧卖沿用传统做法，在猪肉上放上熟鹌鹑蛋，再盖上白色烧卖皮，猪肉嫩滑有肉汁，同鹌鹑蛋简直系绝配。
XO酱炒肠粉 ($48) 肠粉好滑溜，质地软硬适中，XO酱味道亦唔会太浓，配合银芽、葱段同香口嘅芝麻，非常惹味！
香菇银丝萝卜酥 ($34) 千丝酥送上时仍热辣辣，外皮好松化，入面酿满了香菇丝同萝卜条。香菇低脂、萝卜清甜，食落完全无油腻感。
另外呢碟榄菜肉松炒饭 ($118) 水准亦唔错，炒得镬气十足，饭粒干爽，榄菜不死咸，肉松香口，配埋翠肉瓜粒一齐食，口感好丰富。
甜品点左香芒糯米卷 ($30) 同 招牌酥皮焗大蛋挞 ($30)。糯米卷好软熟，外皮沾满了椰丝，面头嘅芒果十分鲜甜，入口啖啖滋味。
蛋挞味道亦不俗，酥皮比例多又够厚身，加上蛋浆浓稠度恰好，大大件，食完好有满足感。
张贴
