原味棧 (已結業)

出名钟意食火锅嘅我哋，酷热天气警告下都无阻我哋嘅雅兴。我同M佬收工之后，坐船拍吓拖就去到红磡。红磡嘅餐厅真系卧虎藏龙，选择多之余，名气小店更加多不胜数！今日就去到崇洁街嘅原味栈试试呢个半自助火锅啦！龙穿凤（楜椒海虾鸡窝）呢度有多款汤底，我哋就拣咗半只龙穿凤（楜椒海虾鸡窝），但如果好似我咁，想食辣啲就要自己调吓味，加啲辣椒喇。锅入面有好多莞茜，汤底够晒香浓入味，好好味！而索晒汁嘅鸡肉，肉质好嫩滑，配合埋浓郁嘅汤底，真系好入味呀。而海虾就够晒弹牙。海鲜拼盘食到咁上下，店员送上海鲜拼盘，份量依据人数而定，而海鲜就依据当日嘅新鲜选材而定。今日就有龙虾、鲍鱼、花蟹、虾、蚬、蛏子、青口等。份量十足之余，上枱嘅时候，大部份海鲜仲郁吓郁吓，真系够晒新鲜，味道鲜甜又弹牙。除咗海鲜仲可以多款食物可以任叫任食！其中一定要试吓呢个安格斯肥牛，肉质鲜嫩，牛味丰富。以呢个价位真系相当不错！