Studio Caffeine (廟街)

营业中

休息中

假日美好事情莫过于训到自然醒，然后hea 住去食个brunch! 太耐无帮衬呢间cafe啦，原来装修过，变成多咗卡位高座，坐得舒服咗，好改变㖞。餐牌食物就冇咩大变动，全日早餐有三款，珍宝、美式及素式，唔算太肚饿，美式就可以了（$118）侍应送上仍然有烟出嘅全日早餐，摆盘吸引，应有嘅都有。欣赏佢嘅芝士大啡菇，加上芝士原来系咁好味，正呀。香肠有两款，有我喜欢嘅芝士脆皮肠，入口juicy, 唔太油腻！烟三文鱼同炒蛋（炒蛋份量好多，但唔太滑口,用嚟与法式面包一齐食，相当满足同饱肚。可以用半价加配饮品，点了鲜奶咖啡，绵滑奶泡，但热度差啲（注：呢杯系大杯份量）整体食物系唔错，侍应态度有礼，要支持支持。