Vivienne Westwood Café (Fashion Walk)

营业中

休息中

今日约左朋友食午餐，身处系华丽优雅既餐厅享用丰富既午餐，好写意。我地叫左烟肉太阳蛋班戟、云朵西多士配三文鱼及沙律、蛋白雪山配招牌窝夫同饮品。全部食物都好精致，打卡一流。烟肉太阳蛋班戟有劲多沙律菜伴碟，加埋啲黑醋，好开胃。班戟小巧玲珑，一层烟肉一层班戟，最上面仲有只太阳蛋添。味道咸甜咸甜，几过瘾。云朵西多士配三文鱼及沙律大大份，三文鱼整到玫瑰花既样，卖相吸引。西多士有类似梳乎里口感既云朵系顶，炸到外层香脆，里面软熟，有蛋香味，冇油腻既感觉。蛋白雪山配招牌窝夫由窝夫、蛋白雪山、焦糖脆脆同云尼拿雪糕组成，大大杯，好满足。饮品我叫左恋上苹果香，酸酸地，可以refill 一次，朋友叫左冻有机蜜桃茶。原来可以外卖添架。