家全七福 (H Zentre)

营业中

休息中

准时收工最好嘅节目，就系同朋友轻轻松松叹番餐dinner～朋友仔今日带我嚟呢一间位于尖沙咀嘅「家全七福」，叹返餐传统精致中菜～———————————————————-烧味双拼 （蜜汁叉烧 及 脆皮烧腩仔）睇烧味嘅质素就知道呢间中菜餐厅有几出色～蜜汁叉烧脂肪及肉质层次分明，入口有唔同口感，再加上外层浓稠香甜嘅麦芽糖汁，超正！脆皮烧腩仔每件大细均一，皮脆肉嫩，搭配埋中式芥辣，超match！———————————————————-当红炸子鸡炸子鸡好讲究厨师火候控制～炸子鸡嘅外皮卜卜脆，鸡肉保持Juicy有弹性，口感一流～———————————————————-葱花皮蛋围虾炒滑蛋呢款小菜好有家的感觉～材料有齐虾仁、皮蛋及鸡蛋，一啖食落去层次感十足，材料够晒丰富～———————————————————-竹笙扒豆腐竹笙及豆腐营养价值十足，豆腐入口嫩滑得来充满豆香，再加上份量十足嘅竹笙，爽脆又索汁，大爱！———————————————————-南乳炆粗斋煲呢个煲仔菜怀旧得来又够晒火喉～真材实料，有齐腐皮、豆腐、草菇粒、木耳粉丝及西兰花，再加入灵魂嘅南乳酱汁，味道浓郁，咸而不腻！———————————