稻埕飯店 (K11購物藝術館)

营业中

休息中

星期六午市餐厅已经好full，难得仲提供lunch set。餐厅环境舒服，scan QR code落单，主打家常台式菜式。叫左鹅不是鸭肉套餐，古早味三杯鸡套餐，跟餐加配2个小食(合共$66)，餐饮黑糖珍珠奶盖(加$8)，桂花胚芽米水(跟餐免费)。菜式卖相非常靓，每个set用托盘装起。鹅肉滑嫩唔鞋口，卤汁唔会过咸，就算连鹅皮食，都唔会觉得腻。伴碟有土豆丝，软爽适中。另外套餐会附送紫菜豆腐汤、半只糖心蛋、腌萝卜，紫菜汤味道浓郁，腌萝卜非常脆口好食。三杯鸡更入味，味道最为浓厚。鸡件大约有7件，件件有肉，腌得好够味。另外套餐可以以优惠价加配小食，麻辣肾片一大碟好多，肾片厚切大块，麻味重过辣味，几过瘾。而另一个加配小食姜汁桃胶炖杏仁鲜奶就细细碗，杏仁味好浓，而桃胶量就正常，唔会太甜，够滋补养颜。饮品卖相睇得又食得，珍珠烟韧，奶盖浓烈，带甜。桂花香，大量胚芽，好健康，难得唔驶加钱又可以饮特别饮品。整体，可以好舒服咁叹lunch，而且食物质素有保证，想食最好订位就唔驶等。