珍香園 (已結業)

今日喺青年广场搞活动，下午有段时间空档，想起好耐冇去过嘅环翠街市，唔知而家变成点？由青年广场行人天桥过去唔使五分钟，赫然在目嘅昔日街市已面目全非！已经叫做环翠商场，已经变成领展嘅⋯⋯多咗好多新铺头，有寿司店、茶楼、快餐⋯⋯竟然有多咗间珍香园呀～呢个空档时间，正好来点小吃！铺头喺商场最底层，地方细细，装修企理，颇有格调。嘢食唔系好多款，但见到啲名已经好多嘢都好想食啦～于是我叫咗啲小食同甜品，想开开个胃先，虎皮椒少少辣，酿满鲮鱼肉，刚刚煎好仲热辣辣，不过油咗啲啲咁～葱油饼系一件上，温热，芝麻香同葱香混合埋一齐，软软弹弹，正～不得不感叹下：好好味嘅芝麻糊呀～口感好滑，好香芝麻味，黏杰度刚好，一试难忘！最后我都系忍唔住叫多咗枝豆浆，饮唔晒都可以拎走。豆味浓厚，入口香滑，大家经过呢头，可以去试试。