影片
更多
2011-09-12
865 浏览
引言︰短期内帮衬左两次，又分享下。亮点︰ 羊扒(羊架)︰食左两次，鹅肝蛋饭系吸引，不过都系觉得个羊扒系最强，其实特别系两副羊架无切到一齐烧，食落肉汁好丰富，肉亦嫩滑，羊味都可以，当然再膻一定会更岩我口味。唔切两副羊架一齐烧，对师傅烧功系有点要求，这里的师傅控制得唔错，熟透度刚好，好食。当然，打孖羊架黎食，系真系几饱，如果仲想食其他野，真系要谂谂。食物︰鹅肝蛋饭，黎两次都见唔少人食，鹅肝配蛋呢个组合，除非鹅肝水准唔太好，其实都唔会差得去边。这里的鹅肝煎得不错，基本的油脂香都唔错，真系几好食。要挑剔就系如果饭用上珍珠米，感觉应该更丰富。牛肋骨，肥美系我放入口既第一个感觉，食落肉质松化，惊喜既地方系牛味都唔错，都唔错的。内藏系列，要左鸡肾、鸡心、鸡肝。鸡肾好爽，够干身，系三样入面最好的一款。鸡心同鸡肝就稳稳阵阵。芝士系有两款，黎左两次就两款都试左。炸芝士，芝士得几过份，食完基本上成口都系芝味。炸芝士年糕，多份年糕，比炸芝士多份咬口，不过都多份腻滞，不过年糕同芝士熔埋一齐，又的确系美味。烧原条茄子，坐吧枱位的一次，见师传将其他烧紧既串烧油搽落茄子到烧，令原本无油既茄子多份油香，都真系几唔错。其
短期内帮衬左两次，又分享下。
亮点︰ 羊扒(羊架)︰食左两次，鹅肝蛋饭系吸引，不过都系觉得个羊扒系最强，其实特别系两副羊架无切到一齐烧，食落肉汁好丰富，肉亦嫩滑，羊味都可以，当然再膻一定会更岩我口味。唔切两副羊架一齐烧，对师傅烧功系有点要求，这里的师傅控制得唔错，熟透度刚好，好食。当然，打孖羊架黎食，系真系几饱，如果仲想食其他野，真系要谂谂。
食物︰鹅肝蛋饭，黎两次都见唔少人食，鹅肝配蛋呢个组合，除非鹅肝水准唔太好，其实都唔会差得去边。这里的鹅肝煎得不错，基本的油脂香都唔错，真系几好食。要挑剔就系如果饭用上珍珠米，感觉应该更丰富。
牛肋骨，肥美系我放入口既第一个感觉，食落肉质松化，惊喜既地方系牛味都唔错，都唔错的。
内藏系列，要左鸡肾、鸡心、鸡肝。鸡肾好爽，够干身，系三样入面最好的一款。鸡心同鸡肝就稳稳阵阵。
芝士系有两款，黎左两次就两款都试左。炸芝士，芝士得几过份，食完基本上成口都系芝味。炸芝士年糕，多份年糕，比炸芝士多份咬口，不过都多份腻滞，不过年糕同芝士熔埋一齐，又的确系美味。
烧原条茄子，坐吧枱位的一次，见师传将其他烧紧既串烧油搽落茄子到烧，令原本无油既茄子多份油香，都真系几唔错。
其他仲食左紫苏鸡肉、鸡泡鱼肝、牛舌、蒜蓉猪肉、烧鳝、鸡翼同鸡掌肉。鸡掌肉就第一次食，有d次鸡软骨既咬口。牛舌同烧鳝都系好肥美，真系有点滞，其他就普普通通，不过不失咁样。
食串烧，啤酒真系唔少得，这里供应既系罐装asahi，配只冻杯，爽。
服务&环境︰- 环境，少有的宽敞，不过真系抽气麻麻，满坐都好多烟下。
- 服务，师传好客，其他的都正正常常。
- 温馨提示既系要订枱，平日都好多人食。
抵食度︰
食串烧，都要预左三几十蚊串，五几十蚊碟，自己计计数。
总结︰
如果追求炭炉先食串烧，我想这里唔岩心水。不过对我黎讲，唔用炭炉，都烧得有此水准，我都收货满意。
张贴
