新興食家 (裝修中)

早上十一点半嚟到，入面满晒人，连走道都挤满咗伙记、拎点心嘅客同要俾钱嘅客。好彩有一枱人走，我先有位入。店内本地客占一半左右，中国客为第二大宗，最后有几个日本人，揸住旅游书咁入嚟，然后俾入面嘅乱况大为惊吓，手都震埋。伙记极忙，坐底咗七八分钟先有人执枱同开茶。枱抺得唔干净，同枱嘅日本客决定要自己抺。点心会不断出炉，眼见入面有阿叔包紧虾饺。而点心出炉时，点心阿哥会大叫，其中会随意加插佢嘅幽默感，例如“叉烧包呀叉烧包，食咗会发达呀”，或者“烧卖虾饺，虾饺食烧卖，烧卖食虾饺呀喂”之类，几有“特色”。拎点心又系另一段挣扎。太多人，自己拎又太热。啲阿姐完全用广东话同日本客沟通，但系又唔知点解沟通到，就好似去法国啲人死都要同你讲法文咁，真系介乎于法国同旺角嘅诗意。点咗以下三样嘢：出名嘅流沙包果然名不虚传，新鲜出炉，一咬就流沙俾你睇，内涵香浓而且真系有沙沙哋嘅口感。其实十年前普通街边茶楼好多都做到呢种质素，但系今时今日可能大家都同厂拎货，间间啲流沙包都差唔多唔识流沙。呢个包唯一嘅complaint就系甜咗少少。另外要咗个金钱肚，普普通通，口感徧软，唔算差。仲有个虾饺。有啲失望。皮厚而且包得唔实，易散。入