Mango Tree Kitchen (太古城中心) (已結業)

如果想静静地食一餐饭，呢度唔岩你。星期日晚6:50分来排队Walk-in，7:10分入座。排队排到下一张系我时，服务员都好细心讲声未有台，要等等。可惜嘅系，间餐厅劲多带小朋友嘅家庭来食饭，但唔知系咩原因，大部分小朋友都好似撞邪咁丧叫丧喊。食到我都好想尖叫，食不知味，几好食都背脊骨落。其实服务系几好，有求必应，食物都热辣辣，又算系几好味。如果你唔怕小朋友喊声叫声嘅话，其实都系唔错嘅一间餐厅。但我就见过鬼怕黑，唔会想再来。留返俾你班细路食啦！