Mr. Korea BBQ (已搬遷) 新店位置

星期五想食韩烧，揾到呢间见有好多人赞，心谂应该唔会中伏，去到门口要上楼觉得个地方有阵味，较嘈，未有韩国人招呼。啲位系背对背坐，啲抽油烟机好似未能发挥功效，餐厅内仍闻到啲烧烟味好大。我地叫咗猪肉拼盘$300几蚊、一碟牛肉$200几蚊、一个芝士带子，入面有4粒$100几蚊，一罐coke zero，合共$862蚊。如果比较韩国街啲韩国人开嘅店，咁上下嘅价钱嘅舖都系较为整齐企理，食物质素亦好。呢度成碟猪肉只有腌过嘅猪肉系最好食，其他猪颈肉及猪腩肉连牛肉系冇味。芝士带子系用个锡纸算装住，上面加咗芝士及蒜，好钟意食芝士嘅我觉得冇芝士味，非常失望。埋单时开错单$1,780，我得两个人食到千几蚊？所以再提醒收银处再查一下，应该系$862蚊先岩。因为舖头唔够韩烧炉，所以有部分用平时屋企BBQ啲炉，我地坐近厕所位，坐得唔舒服。整体嚟讲，我唔建议钟意食正宗韩烧嘅你会去试。