影片
更多
2016-04-03
386 浏览
朋友岩岩生左 去完威尔斯医院探佢同bb 一行三人去附近揾食。沙田友提议近近地行去博康邨 话个度有间串烧之前上过杂志 想试好内。行左十零分钟就到 系大排档式既串烧 唔系炭炉 用gas炉 $118 任食三小时包两罐饮品 好抵。 我们六点几到 冇咩人 点知一到七点几 已经坐左八成满 好多人烧呀烧 气氛好正～ 食物款式有成廿几三十款 我们先主攻丸丸肠仔呢d快熟类型。丸丸基本款都有 墨丸鱼蛋牛丸猪肉丸都齐全 鱼腐同牛丸我特别钟意 烧到脆卜卜 正。 老板娘仲特登话我们知 有秘制香料 辣同唔辣都有 仲有麻辣酱 豉油牛油 佢话特登将肉类腌得淡口d 等客人可以自家制作喜爱的味道。 肉类其实好多 羊架 牛仔骨 鸡翼 鸡肉猪肉牛肉羊肉串鸡软骨金沙骨 多到数唔晒。特别推介猪颈肉 肉质结实弹牙 加上香料麻辣酱一齐烧 劲正。鸡软骨都正呀 爽口烧到脆卜卜 无得弹。鸡翼钟意加上糖水 香料一齐烧 临食再洒上辣粉 无得弹。 蔬菜类我最喜爱韮菜 茄子 先用豉油 牛油搽上面 一边烧一面加水同香料 劲juicy!! 莲藕片都有 初时以为烧起来会好干 点知
行左十零分钟就到 系大排档式既串烧 唔系炭炉 用gas炉 $118 任食三小时包两罐饮品 好抵。
我们六点几到 冇咩人 点知一到七点几 已经坐左八成满 好多人烧呀烧 气氛好正～
食物款式有成廿几三十款 我们先主攻丸丸肠仔呢d快熟类型。丸丸基本款都有 墨丸鱼蛋牛丸猪肉丸都齐全 鱼腐同牛丸我特别钟意 烧到脆卜卜 正。
老板娘仲特登话我们知 有秘制香料 辣同唔辣都有 仲有麻辣酱 豉油牛油 佢话特登将肉类腌得淡口d 等客人可以自家制作喜爱的味道。
肉类其实好多 羊架 牛仔骨 鸡翼 鸡肉猪肉牛肉羊肉串鸡软骨金沙骨 多到数唔晒。特别推介猪颈肉 肉质结实弹牙 加上香料麻辣酱一齐烧 劲正。鸡软骨都正呀 爽口烧到脆卜卜 无得弹。鸡翼钟意加上糖水 香料一齐烧 临食再洒上辣粉 无得弹。
蔬菜类我最喜爱韮菜 茄子 先用豉油 牛油搽上面 一边烧一面加水同香料 劲juicy!! 莲藕片都有 初时以为烧起来会好干 点知又唔系㖞 食落脆卜卜 好新奇 配埋麻辣酱 又几配。
仲有个芝士薯蓉好得意 烧烧下芝士溶晒 几香 不过呢个就确实淡味了少少。
大排档最高兴就是讲野几大声都冇人理 又食又倾玩足一晚 都是$118埋单。爽！
张贴
