影片
更多
2022-05-06
777 浏览
今日同老板一行3人食lunch,谂住试返呢间既熟食lunch,点解要著重系「熟食」？因为中过伏啰😂第一次帮衬系因为想食既印度餐厅无位，误打误撞揾到呢间！第一次试大家都好保守，都系叫吉列猪扒，烧鱼，鸡扒咁，意外咁大家都觉得好食，就话下次可以黎试刺身寿司🍣 第二次，老板叫左个中等价之上既寿司set，同事就叫左个刺身井，我因为个日唔食得生冷野，所以叫左西京烧，就系咁避过一劫😂估唔到一个几百蚊既寿司set,居然有蟹柳同青瓜卷😌👍🏻我真系差啲笑出黎🫣其他刺身只睇色泽都知唔新鲜，我偷偷望左一眼老板，佢好明显系嫌弃样，嘴刁既佢肯定知自己中左伏，所以做细既唔敢再多讲啲咩🙈我同事既刺身井就唔洗多讲啦😅所以今次第三次再黎试返佢既”熟食”，因为岩岩放宽左4人一枱，出面lunch系人山人海，所以我地行紧去既时候都打电话问下有无位先😅但其实系多胶鱼，谂多左，座位唔多，但都只得3，4枱客（加埋我地),打电话问有无位,个女职员仲要扮好full booking🙄真系生意策略不过今次未食就比个肥女人激死，去到见无人，我地咪自动波扫安心同针卡啰🙄扫完个肥女人出黎，肥女人：扫左安心针卡啦嘛？我地：系呀，我老板电话都比埋佢睇
因为中过伏啰😂第一次帮衬系因为想食既印度餐厅无位，误打误撞揾到呢间！
第一次试大家都好保守，都系叫吉列猪扒，烧鱼，鸡扒咁，意外咁大家都觉得好食，就话下次可以黎试刺身寿司🍣
第二次，老板叫左个中等价之上既寿司set，同事就叫左个刺身井，我因为个日唔食得生冷野，所以叫左西京烧，就系咁避过一劫😂
估唔到一个几百蚊既寿司set,居然有蟹柳同青瓜卷😌👍🏻我真系差啲笑出黎🫣其他刺身只睇色泽都知唔新鲜，我偷偷望左一眼老板，佢好明显系嫌弃样，嘴刁既佢肯定知自己中左伏，所以做细既唔敢再多讲啲咩🙈
我同事既刺身井就唔洗多讲啦😅
所以今次第三次再黎试返佢既”熟食”，因为岩岩放宽左4人一枱，出面lunch系人山人海，所以我地行紧去既时候都打电话问下有无位先😅但其实系多胶鱼，谂多左，座位唔多，但都只得3，4枱客（加埋我地),打电话问有无位,个女职员仲要扮好full booking🙄真系生意策略
不过今次未食就比个肥女人激死，去到见无人，我地咪自动波扫安心同针卡啰🙄扫完个肥女人出黎，
肥女人：扫左安心针卡啦嘛？
我地：系呀，我老板电话都比埋佢睇！
肥女人质疑咁话：安全无红色架嘛？我信你架啦！
又要问又要唔信系咩玩法？🙄
我话：你咁紧张，你咪同我地扫一次啰！
肥女人就开始依依哦哦：紧张架，一阵比人捉到要罚架，要停业架！
咁惊你咪企个人系出面门口睇住啰，再唔系咪比你扫多次啰🙄🙄
入到去见到有一枱客，我地就被安排系呢枱客既后面，就系咁一餐受罪既lunch开始啦🙈🫠
原来呢枱客系佢地老板既朋友，个老板企系度同佢啲朋友有讲有笑，原本系无伤大雅，但声浪愈黎愈大🥹
呀老板，你其实知唔知你间餐厅个楼底好低，啲声好应架？
你又知唔知你间铺好细，我同你班朋友张枱只系背住只有一纸之隔？
最后听到话连个主厨都出埋黎吹水，好奇望一下👀
主厨？😨日本餐厅主厨？😰你话茶餐厅主厨都有人信，讲野言行粗声粗气，个身装束真系唔似一间日本餐厅既厨师啰😓我究竟食左咩？睇左咩？
最后得出结论：呢间餐厅系以自己友为先，唔系以客为本，事关我地向肥女人反映好嘈，
肥女人话：无办法，sorry(轻挑语气）🙃
其实都预料之内，事关一间正常正规既日本餐厅系唔会咁样骚扰客人用餐，而且连个餐厅老板都黎埋一齐癫一齐嘈嘈闭🤷🏻♀️就知佢要系朋友面前威，眼球只有朋友👀间餐厅根本唔系招呼客人，系招呼佢个啲朋友🤷🏻♀️
不过我唔明点解你地有房，你唔招呼你班朋友入去嘈呢？🤷🏻♀️系咪你班朋友唔想除鞋入房🤨对脚……🫢
餐厅老板如果你有幸见到呢篇食评，解答下😊
本人第一次打咁大篇文😉老板你有福啦
By the way,都要赞下既，你杯柠水好好饮，柠檬好新鲜呀😌
张贴
