添飲咖啡館 (已結業)

Weekend北区郊游完，谂住揾间cafe食嘢倾下计。见某名youtuber介绍过哩间喺旧裁判法院，睇食物环境相好似几特别，点知都几失望。先讲周围环境，个旧裁判法院唔好以为系咩古迹活化嘢好好打卡，都几冇特别，作为市区人真系唔好为咗座嘢，山长水远入嚟，唔值得。讲返间cafe，座位唔迫系ok嘅，不过播哩期大热流行曲，完全唔夹个场，唔夹所谓法院嘅氛围。播歌好大声，d客倾计自然要斗大声，个场嘈过茶楼！乜mood都冇。特别想讲个松露薯条，见个youtuber话好好食，错晒！我地𠮶碟一落枱系冻嘅，我真系唔知佢炸左几耐摆左几耐先俾我地。All day breakfast个薯格极硬，食左一两件直接放弃。嘢食嘢饮只属一般，但价钱偏贵，性格比低，真系试过就算。