影片
更多
2023-12-30
1419 浏览
圣诞节想有仪式感当然系约下fd去食咗tea，系kkday见到呢个由嘉里酒店同彩妆品牌M•A•C合作嘅「冰雪璀璨冬日」下午茶，星期六日都系大概$350一位都算几抵食，就决定boxing day去一试～ 下午茶以鱼子酱为主题，第一份上嘅菜就系原盒30g 顶级鱼子酱 Prunier Caviar😳仲配埋俄罗斯小圆饼、蛋黄、洋葱同法式酸奶油一齐食，呢个份量有惊喜🤩而且鱼子酱都好新鲜！好食欸 咸点方面就有水牛芝士挞、蟹肉挞、烟三文鱼三文治同法式大虾多士，每样都相当出色同有心思，唔系普通嘅三文治咁简单，而最惊艳嘅系蟹肉挞同士多啤梨呢个组合！清新嘅士多啤梨，配上鲜甜嘅蟹肉，好过瘾，直头想食多几嚿🦀 Afternoon Tea当然唔少得佢哋嘅松饼，分别有原味同充满圣诞感觉嘅提子干及肉桂味，两款松饼都好好食，细细个，松软亦都唔会太干，惊食唔晒仲可以攞走😝 甜点方面就有黑朱古力核桃蛋糕、车厘子意大利芝士蛋糕、木梨柑橘挞同苹果芭菲，全部都唔错，而且唔会太甜太腻，我自己就几钟意！最特别嘅一定系佢哋嘅芭菲，好似食紧Apple Crumble咁🍎 饮品方面，每位都可以指定一款饮品，无限任饮，特别要推介佢哋嘅Ker
下午茶以鱼子酱为主题，第一份上嘅菜就系原盒30g 顶级鱼子酱 Prunier Caviar😳仲配埋俄罗斯小圆饼、蛋黄、洋葱同法式酸奶油一齐食，呢个份量有惊喜🤩而且鱼子酱都好新鲜！好食欸
咸点方面就有水牛芝士挞、蟹肉挞、烟三文鱼三文治同法式大虾多士，每样都相当出色同有心思，唔系普通嘅三文治咁简单，而最惊艳嘅系蟹肉挞同士多啤梨呢个组合！清新嘅士多啤梨，配上鲜甜嘅蟹肉，好过瘾，直头想食多几嚿🦀
Afternoon Tea当然唔少得佢哋嘅松饼，分别有原味同充满圣诞感觉嘅提子干及肉桂味，两款松饼都好好食，细细个，松软亦都唔会太干，惊食唔晒仲可以攞走😝
甜点方面就有黑朱古力核桃蛋糕、车厘子意大利芝士蛋糕、木梨柑橘挞同苹果芭菲，全部都唔错，而且唔会太甜太腻，我自己就几钟意！最特别嘅一定系佢哋嘅芭菲，好似食紧Apple Crumble咁🍎
饮品方面，每位都可以指定一款饮品，无限任饮，特别要推介佢哋嘅Kerry Chocolate，超顺滑，绝对喺香港饮过最好饮嘅热朱古力之一😍
呢个冬日下午茶系同彩妆品牌合作，所以每位都会获得M•A•C嘅化妆品sample，以为只会系普通几包sample，但收到个下完全惊艳咗，唔止sample仲有一细盒嘅eye shadow👀
总括嚟讲，佢哋下午茶嘅性价比真系好高，可能因为一开始真系冇乜期待，食完成餐真系超级有惊喜，而且啲嘢真系好食，环境都几好，唔算太嘈吵，几啱倾偈，几推介大家嚟试吓～
张贴
