沙嗲軒 (中港城) (已結業)

三个人叫左份母亲节套餐，谂住抵d，包左三款前菜，海南鸡，大虾，鸳鸯肉骨茶，炒萝卜糕同饮品。落单时就问咩系鸳鸯肉骨茶啦，侍应话系白色新加坡胡椒味果种，咁无问题啦，反正㨂呢间都系为左食新加坡口味。落完单，好快出左份餐前小食 - 虾片，都不太差。跟住送上三碗油饭，明明无叫，难道系送？定餐包左？无深究！继续等其他𩠌出。跟住上到肉骨茶，系深啡色药林味的马拉口问，简直系骗案！继续同朋友一路食一路，侍应上左份胡椒蟹，同枱人都好兴奋，立即手机先食，影左4-5分钟，动筷子夹左落只蟹度时，侍应就话出错左，我地果碟应该系胡椒虾，跟住收番并送去另一枱，但见住d筷子掂/插落只蟹度，超呕心呢！唔知边个客人将要食我地的口水了⋯呕～ 食左成晚，无样有新加坡风味，得个虾较似新加坡味，但都好干好鞋肉。到埋单时，发现果3碗油饭系价值84蚊，但我地三个人根本无叫过，夹埋先食左半碗饭，但无计，食左，只好照俾钱，但感觉好似俾人老屈左呃钱咁。算！坚无下次！唔知食左口水尾的客人会否有另一番风味呢？！