赤橋拉麵 (已結業)

因有朋友系红桥开补习社，佢平日走过经常见到哩间拉面店门口排晒队，哩次决定就去试下。星期六中午11:30已经去到，原来哩间拉面店中午12:00先营业！前面都已经有7个人排紧队，我心谂有冇咁犀利呀！咁我就比少少耐性去等啦，12点到啦就见到个男人行紧来拉开门讲左句经常系日本餐厅会听到日文：欢迎光临！朋友话哩间铺系真系日本人开架！内心打左凸！红桥稀少人烟的地方竟然吸引到外来人开铺？就算开应该开系新墟啦！人多呀嘛！好啦废话讲左，系时候入铺食拉面！我嗌左黑油豚骨沾面，朋友就嗌左海老豚骨沾面！估唔到的面要即刻整，如是者等左15分钟，终于等到两位主角出场！黑油豚骨沾面：面有韧度有咬口，唔会淋，汤系浓汤但我觉得偏咸唔觉有黑油味道，整体上汤配落面到系夹到，不过不失！海老豚骨沾面：就偷左几啖汤来试，汤一样浓汤，反而哩个汤食得出虾味，有少少分加！两款沾面基本一样配上叉烧，流心蛋，竹笋，紫菜。叉烧比出面拉面铺大块而厚身少少，咬落去几有肉感。蛋就失望唔够溏心。竹笋同紫菜一般货式。食完成碗沾面都几饱下！一间小店做到咁样质素不过不失。红桥特色小店能唔能生存好难讲。