相馬日式火鍋 (已結業)

呢间已经变咗我系火炭食堂咁款，呢度附近嘢食实在有限😂今次黎见到新餐牌即刻试下，因为绝对有信心唔会唔得💪🏻《日式茶碗蒸》蒸蛋唔会求其俾你，每个茶碗蒸都有两粒大大粒嘅带子，仲有啲蟹柳同埋菇，啲料好足🫶🏻🫶🏻《鸡煲》辣度有得拣，我哋拣咗中辣，好惹味。鸡煲入面仲布满咗好多芫茜同洋葱🌿🧅，好多人可能都唔钟意呢两样嘢食，但系由得佢煮耐啲，吸晒啲鸡汁同酱料就超好食，煮淋啲会易接受好多🤓😍啲鸡肉无乜骨都够滑！店员收碟同加汤嘅时候都会帮下手睇下火同埋翻炒下👍🏻《花胶鸡汤》唔油腻够滋补，虽然清清地未去到会涨嘴，但系够热，饮落都好润🤤《海鲜蒸锅》海鲜全部都够新鲜🌊《任食火锅》肉类海鲜无限供应，牛肉易咬唔系鞋嘅，任食海鲜比起蒸锅会有其他选择，有多啲贝壳类嘅，有蚝、黄垷、灰䙺、螺等等。《日式串烧炸物》款式种多，样样都想试🤣放咗一阵都保持到果皮系脆。