青越 (已結業)

初初见到青越晚晚都好多人排队，就心郁郁想试下啦平日去大约八点钟，大约都要等20张飞以上先可以入座，但系好多人都唔等得所以等左廿分钟倒就入得啦店内嘅装修都几靓，好西式feel，完全唔似系食越南菜。食物同饮品选择都几多，饭面小食都有-泰国原个菠萝海鲜炒饭话系原个菠萝，其实系一片菠萝，个卖相麻麻地。不过都几足料，差唔多都有十只虾。饭本身都炒得几有镬气，不过就真系唔多靓啦！-芒果软壳蟹米纸卷软壳蟹本身唔够热，但系芒果嘅酸味令到个小食好开胃，不错！-香茅猪肉捞檬猪肉好入味好冧身，都几多猪肉！捞檬本身偏酸，就算唔落鱼露都好够味！-Oreo拿铁沙冰唔够味，只有淡淡oreo味同朱古力味。-青黄不接其实系青瓜加菠萝嘅沙冰，饮落只饮到菠萝味， 青瓜味近乎系零。总结:可能因为新店开张，店员做野都唔太纯熟，好多时会分唔清枱号，同埋送餐都几慢。味道一般，可以一试但系唔值得排队食。另外饮管太短，好难先饮到！值得赞嘅系食物份量其实都几多，都好足料！