和味餐室 (已結業)

我算系老顾客，一家大细原本都好钟意食和味，外卖都会叫和味。但因为真系忍无可忍D呀姐语气态度先出声！🤬🤬🤬嘢食又唔系特别好味，D烧味又少，除非叫肶既部位，如果唔系就得两三旧烧味，成盒都系白饭，汁都冇乜😑其他嘢食又麻麻地，早餐又淡茂茂，午餐菜又少，晚餐蒸D鱼求求其其熟过头😑😑😑我略过讲几样嘢食，我系老顾客唔止食过咁少嘢食既，系有几样嘢好味既，不过再咁样落去好味既都会变差，成日唔跟足！会唔会真系忙过头所有嘢都唔洗跟足呀？好多人咩食咩？再咁样落去真系会赶晒D熟客走啰😂新顾客唔知头唔知路会中招😂只不过系一般茶餐厅既嘢，无论堂食定叫外卖都好，个个服务态度差到爆灯，D语气呀，哇，唔情唔愿咁，唔好做啦，继续咁样落去赶客！唉，不过唔想再因为贪方便而受气啦，以后都唔会再帮衬！😡😡😡