竹家莊

营业中

休息中

位于左敦嘅竹家庄，第一次去食，餐厅都几逼夹下，我地八个人要坐中间长枱，都几逼下，啲嘢食都好贵下，68蚊一只扇贝，30蚊一两虾，48蚊两濑尿虾，50蚊两蟹，我地叫咗椒盐泥鯭，白灼花螺， 白灼鱿鱼，炒饭和芥兰，一只大蟹，四只濑尿虾；椒盐泥鯭，食落都唔错都仲好脆下，连骨都可以食埋；花螺都新鲜，搽甜酱食都几鲜甜； 白灼鲜鱿 ，中规中矩 炒饭和芥兰就真系一般，同埋都几细碟吓；避风塘炒大蟹都算可以，风味都唔错；椒盐濑尿虾，就炒得几惹味，都算大大只，一只开三旧，埋单三千几，都无乜嘢食咗噤！坐得唔舒服，嘢都算好食，但比较贵，只系服务员都几好招呼，都算食得开开心心！