雄館特式小廚 (已結業)

整体来讲，野食系好有水准。但态度好差。侍应好串。首先，我都未坐定，佢已经系咁催落单，话有啲款系有限供应。我话我要等齐朋友，我另一个朋友到咗，佢又过嚟话如果要落单就快啲落，惊冇货，我话要等埋朋友过嚟先。我哋一共有七个人。只系嚟咗两个就吹落单。碟炸鱼皮，得底个几旧叫大小小，其他都同薯片一样大小。咁我哋就同佢反映，个侍应冇理我哋，我哋再讲多两次，佢先至冇办法理吓我哋，我哋要求取消，跟住就换咗一另一个侍应，过嚟好串话系咪唔要唔要？我地搭系，跟住佢话：唔要我留返俾自己食。态度劲差。其实我唔需要佢哋好殷勤嘅招待，我选择留喺香港消费，代表我对你哋要求唔高，你木口木面系冇问题我预咗。但㶶口㶶面，讲嘢寸嘴，扮听唔到，就好难接受。虽然嘢系好食，但我以后都唔会再帮衬。生炸bb鸽，外皮脆得来肉汁好好保留，肉好嫩。黑醋骨肉好淋，醋汁调得刚好，醋味不会太重太抢。荔枝香烟熏鸡外皮烟熏得好香，当然肉煮得刚好，不会嚡口。蚝仔鸡蛋仔没有惊喜，啫啫芥兰煲完全冇镬气，冇咸香味，似就咁肉碎炒菜多啲。鱼皮太碎没有试，但就食咗一肚气。还有荷叶饭，蚝仔粥都系唔错。