影片
更多
2024-07-01
6006 浏览
食生日饭，虽然唔系正日，但都想隆重其事 ，谂住食高级酒店buffet 豪一豪（好明显自已大乡里，我扮靓靓去食而人哋都系波衫短裤去食casual 到爆 😅）。之前research过几间酒店，睇埋YouTube⋯最后拣咗Grand Hyatt Tiffin，好衰唔衰之前出现过食物中毒事件，虽然有一刻担心过，但最后都决定照食。我哋book咗7点，今晚6:40左右已到，reception嘅同事带我哋去一张好特别嘅枱，窗边嘅，望到湾仔海旁嘅风景，我好开心😄。首先讲食物，选择surprisingly唔多，而细节已有YouTube嘅片已讲得好清楚所以唔详细讲了，但我觉得今晚好似少咗嘢食嘅？BTW佢哋有一人一份龙虾🦞，我叫咗半只芝士半只香草牛油，我哋系食咗一阵先送上，我就觉得好一般，无乜惊喜。首轮我系即刻食生蚝 🦪同螺同蟹脚，生蚝细只咗少少，但好新鲜，好食😄！螺同蟹脚都好食。食咗两round生蚝就食沙律，所有沙律菜都新鲜，基本👍🏻。跟住食热嘢，整体上系好好食！无论鱼、法国洋葱汤、炸软壳蟹、羊架（肉好鲜嫩！）都比较值得推荐（唔知点解无食到wellington beef 😅同埋另外个龙虾汤好咸😅）。甜品食
之前research过几间酒店，睇埋YouTube⋯最后拣咗Grand Hyatt Tiffin，好衰唔衰之前出现过食物中毒事件，虽然有一刻担心过，但最后都决定照食。
我哋book咗7点，今晚6:40左右已到，reception嘅同事带我哋去一张好特别嘅枱，窗边嘅，望到湾仔海旁嘅风景，我好开心😄。
首先讲食物，选择surprisingly唔多，而细节已有YouTube嘅片已讲得好清楚所以唔详细讲了，但我觉得今晚好似少咗嘢食嘅？BTW佢哋有一人一份龙虾🦞，我叫咗半只芝士半只香草牛油，我哋系食咗一阵先送上，我就觉得好一般，无乜惊喜。
首轮我系即刻食生蚝 🦪同螺同蟹脚，生蚝细只咗少少，但好新鲜，好食😄！螺同蟹脚都好食。食咗两round生蚝就食沙律，所有沙律菜都新鲜，基本👍🏻。
跟住食热嘢，整体上系好好食！无论鱼、法国洋葱汤、炸软壳蟹、羊架（肉好鲜嫩！）都比较值得推荐（唔知点解无食到wellington beef 😅同埋另外个龙虾汤好咸😅）。甜品食咗火焰薄饼，非常好食！而个士多啤梨蛋糕就略嫌甜咗少少，后来嘅抹茶雪糕就划上完美句号😁。
讲到气氛，餐厅有live band ，音乐悦耳，气氛好好！好耐无试过去有live band嘅餐厅，呢个非常加分😁。
好喇，文章核心嘅内围系服务。
我哋张枱「好特别」，位置「感觉上」系两行枱最尾嘅中间临时加开的（请参阅附图），根本就响收碗碟corner通道嘅门口，我哋一边食一边会见到收碟的trolley不停进出，基本上都唔太影响食嘢既心情，直至食食吓发现上面相信系冷气机倒汗水不停滴落嚟，一间高级酒店成千蚊一个人要受冷气机滴水个感觉真系唔系几好受，向员工反映后，其中一个「部长」话今晚无哂吉枱，不如将我哋调去出咗餐厅落楼梯出面嘅枱食😱，唔系呀哗⋯要行过对面马路出餐厅坐然后上上落落拎嘢食？我哋婉拒咗，然后谂住拉过啲枱櫈啦，问题系，拉过咗枱櫈就会塞住收碟trolley嘅进出嘅通道，有次有个相信系比较junior嘅员工成个trolley撞咗我椅背😓😓，有个senior少少嘅员工即刻喝住佢，嗯⋯我无出声，随之而嚟就系有不同进出收碟corner嘅员工撞到我张櫈——如果今日系生日正日我应该会劲黑面劲嬲㗎喇 😑 ⋯哗乜Grand Hyatt咁搞呀，其实book枱𠮶阵无哂枱唔紧要㗎，下次唔好咁搞喇，人哋唔会再嚟喇⋯ 😖
阿部长有offer送杯酒俾我哋，但因为我哋唔饮酒所以无接受呢个offer，好彩食到咁上下有人走有枱吉咗出嚟，搬咗过去之后好好多，跟住又发现只side plate上有只蚁🐜⋯应该就系好surprise嘅生日礼物喇～😅
张贴
