經典廚房

营业中

休息中

一心想嚟食鸭扎，但转左餐单，极失望。熟客话经典逢1号&15号就转餐单。生客同熟客嚟呢庶饮茶完全系两个待遇。感谢同枱同隔离枱嘅街坊教路，不是因为朋友推介，相信都唔会嚟食，因网上都睇左人讲呢度服务有几差有晒心理准备嚟到，果真系咁。自行揾位呢D好基本无所谓喇当然，揾到位要再揾职员开点心咭都顺利。要自己去门口揾职员讲要咩茶叶，佢会俾一包你。我见隔离位个婆婆未有水杯水壶用，让左俾佢用先。跟住揾左职员三转才揾到套水壶杯俾我。不过见D店员唔系唔做嘢，似系人手唔够。熟客到来，职员主动取茶壸过嚟帮佢个壶淋埋热水消毒添，呢D真系叫做有服务啰。我生客就感觉系自力更生&自生自灭，但依然要收加一啰。凤爪排⻣饭，确系好味嘅，厨房部确系整嘢好嘅。真系要赞厨房师傅喇，如果嘢食唔得此店都消失左喇。鸡扎&腐乳通菜都唔错。一支公嚟点左三碟嘢。服务真系经典嘢食又真系好味嘅嚟唔嚟帮衬，真系睇各人造化。真心觉得街坊好正，好帮忙希望我下次成为熟客对我好返少少啰。一次生，两次熟，都系好想试埋佢嘅鸭扎好唔好味，因见朋友食过睇相觉得似正啰。收银都OK喔，正正常常。