影片
更多
2024-04-21
40 浏览
平时唔写食评，但呢间真系要写翻出嚟，希望大家唔好去贴钱买难受。最近佢地同朝日夫妇合作出咗个刨冰，我同朋友就约埋一齐去食刨冰，咁就顺便喺𠮶度食埋晚餐。先讲食物质素，我食嘅系寿喜烧牛肉定食($98)。味道我觉得同sukiya分别不大，所以完全唔值呢个价钱。加上佢嘅寿喜烧冇鸡蛋，汤汁都系比较淡同埋稀，比较似平时食乌冬𠮶啲汤底，唔似寿喜烧，但送饭系ok食得落口嘅。至于服务态度，全间铺头都系中年女侍应，目测同谭仔差唔多。问题系间餐厅装修到咁文青，但系啲侍应讲嘢都系大呼小叫，仲要超级冇礼貌，亦都完全唔帮手。叫佢地嚟落单又要叫几次先嚟，落单𠮶阵就用唔系几友善嘅语气话“咁跟唔跟餐啊”，上菜系就咁摆低咗，然后话“唉你自己搬过去啦”。上菜都等咗好耐，起码30分钟先到齐正餐。点知我地食食吓，听到啲侍应同隔离枱讲话冇晒刨冰。所以我地就叫个侍应过嚟confirm吓系咪已经卖晒、会唔会再refill。我地啱啱问完系咪冇晒冰，都未问会唔会再refill，个侍应就用一个责怪我地嘅语气话：“冇冰啦，乜都冇架啦。我头先叫你地落咗先，你地又话等等。”我地又冇怪你搞到我地食唔到冰，只系confirm吓系咪卖晒姐，点解无啦啦你
最近佢地同朝日夫妇合作出咗个刨冰，我同朋友就约埋一齐去食刨冰，咁就顺便喺𠮶度食埋晚餐。
先讲食物质素，我食嘅系寿喜烧牛肉定食($98)。味道我觉得同sukiya分别不大，所以完全唔值呢个价钱。加上佢嘅寿喜烧冇鸡蛋，汤汁都系比较淡同埋稀，比较似平时食乌冬𠮶啲汤底，唔似寿喜烧，但送饭系ok食得落口嘅。
至于服务态度，全间铺头都系中年女侍应，目测同谭仔差唔多。问题系间餐厅装修到咁文青，但系啲侍应讲嘢都系大呼小叫，仲要超级冇礼貌，亦都完全唔帮手。叫佢地嚟落单又要叫几次先嚟，落单𠮶阵就用唔系几友善嘅语气话“咁跟唔跟餐啊”，上菜系就咁摆低咗，然后话“唉你自己搬过去啦”。
上菜都等咗好耐，起码30分钟先到齐正餐。点知我地食食吓，听到啲侍应同隔离枱讲话冇晒刨冰。所以我地就叫个侍应过嚟confirm吓系咪已经卖晒、会唔会再refill。我地啱啱问完系咪冇晒冰，都未问会唔会再refill，个侍应就用一个责怪我地嘅语气话：“冇冰啦，乜都冇架啦。我头先叫你地落咗先，你地又话等等。”
我地又冇怪你搞到我地食唔到冰，只系confirm吓系咪卖晒姐，点解无啦啦你要嚟发我地晦气呢？
同埋其实冇晒冰呢件事正常应该要大大声同全世界讲架嘛，尤其是系出面有人排紧队谂住嚟食冰，就更加应该要公告天下话冇晒冰啦。结果佢地冇同全世界讲，然后有一组客人排咗好耐终于排到入嚟先知原来已经冇晒冰，佢就好大声咁质问啲侍应点解唔公告话冇晒冰、要浪费大家嘅时间。其实佢闹得好啱，因为我地都知道真系要排好耐，同埋侍应系真系冇讲。但系啲侍应对于呢个情况系完全置之不理，由得𠮶组客人继续大声质问，连一句道歉都冇。最后系个客人自己讲完之后走咗，啲侍应就扮完全冇事发生过。
总括而言就系食物质素一般、性价比低，服务态度超级差，完全唔明佢地凭乜嘢收+1。
真系以后都唔会去呢间嘢度食。
寿喜烧牛肉定食
$98
1 浏览
0 赞好
0 留言
张贴
