富士山 (已結業)

今日嚟到一间开业冇耐嘅日本餐厅，呢度嘅嘢食选择好多，我哋拣咗二人套餐 $298 ，咩都食啲😜前菜三款 芥末八爪鱼，好弹牙，口感唔错，多重滋味。中华沙律同螺肉都唔错，劲中意个螺肉，creamy! 德岛县玉子烧味道甜甜嘅，口感几滑溜，厚底😆仲洒上蟹子，正！牛肉薯饼 香脆可口，里面绵滑，好味道😛日式牛肉炒乌冬 我想讲佢个牛肉真系好有牛味，每𡁻一下都感受到果种鲜甜浓郁嘅肉味，个乌冬都炒得有水准，食到呢一味菜已经几饱😄火炙丼 系有啲饱嘅情况下食呢个觉得呢个仲唔错㖞☺️首先佢个饭系好好味，鱼生方面经过火炙，一上菜嘅时候已经香喷喷，令人垂涎欲滴。除咗三文鱼、鳗鱼、带子，仲有蟹柳，份量都唔少，我觉得好值得食！野饮拣左可乐同菠萝汁，菠萝汁里面真系有菠萝㗎😆😆日式芝士蛋糕 救命，好好食，creamy到😻估唔到套餐嘅甜品都咁高质日式年糕配朱古力酱救命救命救命，呢个仲好食，佢热热地，食落口感好好，软滑中带香甜🥰🥰🥰估唔到呢度啲嘢食咁好味㖞，回头率高😛呢度啲座位好阔落，客人虽多，但系都觉得安全，而且呢度都有量体温，亦有提供纸巾等，所以觉得食饭都好安心