影片
更多
2017-12-29
696 浏览
都耳闻过呢间嘢系坐唔耐，已经做定心理准备我哋有三个人，佢讲明要一个都不能少先可以入席，呢点我明白，不过唔明嘅系坐低之后，后面𠮶枱十一个人，佢哋都唔系齐人但就可以慢慢喺入面坐住等人，呢种差别待遇令人有啲困惑呢个都系小事，我哋叫咗三味𩠌，一路食一路倾，食到一半店员居然走埋嚟话帮我哋包起啲嘢，我哋话未食完，佢就话咁你哋唔好挂住倾要食嘢先得印象当中上次俾人咁训示系细个俾阿妈𡁻，原来出去食饭都可以咁有家嘅感觉本人十分明白香港土地有限，间舖地方浅窄，所以系可以体谅，但如果要体谅埋店员事后仲要黑面嘅话，实在几难我建议贵舖如果真系咁著重客人起筷嘅速度，倒不如设定入座用餐时间，上菜后起计半粒钟，时间一过计时器一响即时要埋单打包走人听落可能觉得我讲笑，但我系认真，因为呢间嘢食物质素好得，但咁样嘅服务态度，我唔会想再嚟或者都可以换个角度咁睇，咁嘅服务态度令人想外卖拎走都唔要坐低食，变相减轻楼面同舖头空间嘅压力，不失为一大妙计可惜嘅系呢间对我嚟讲太远，要我专登搭车过嚟外卖拎走，不了讲咗咁多，总结系，高水准食物，「家一般」嘅服务态度，奉劝各位想坐低食嘅施主，外卖拎走坐喺隔离斜坡上面食都冇咁嬲
我哋有三个人，佢讲明要一个都不能少先可以入席，呢点我明白，不过唔明嘅系坐低之后，后面𠮶枱十一个人，佢哋都唔系齐人但就可以慢慢喺入面坐住等人，呢种差别待遇令人有啲困惑
呢个都系小事，我哋叫咗三味𩠌，一路食一路倾，食到一半店员居然走埋嚟话帮我哋包起啲嘢，我哋话未食完，佢就话咁你哋唔好挂住倾要食嘢先得
印象当中上次俾人咁训示系细个俾阿妈𡁻，原来出去食饭都可以咁有家嘅感觉
本人十分明白香港土地有限，间舖地方浅窄，所以系可以体谅，但如果要体谅埋店员事后仲要黑面嘅话，实在几难
我建议贵舖如果真系咁著重客人起筷嘅速度，倒不如设定入座用餐时间，上菜后起计半粒钟，时间一过计时器一响即时要埋单打包走人
听落可能觉得我讲笑，但我系认真，因为呢间嘢食物质素好得，但咁样嘅服务态度，我唔会想再嚟
或者都可以换个角度咁睇，咁嘅服务态度令人想外卖拎走都唔要坐低食，变相减轻楼面同舖头空间嘅压力，不失为一大妙计
可惜嘅系呢间对我嚟讲太远，要我专登搭车过嚟外卖拎走，不了
讲咗咁多，总结系，高水准食物，「家一般」嘅服务态度，奉劝各位想坐低食嘅施主，外卖拎走坐喺隔离斜坡上面食都冇咁嬲
张贴