影片
更多
2022-08-15
1039 浏览
POPINJAYS (The Murray) @ 2022年8月 (平日下午茶）食物 🤍🤍🤍🤍🤍（甜点及精致咸点半自助下午茶） 环境 ❤️❤❤🤍🤍服务 ❤️🤍🤍🤍🤍（有cloakroom服务 / 冇人介绍餐牌）攞位 ❤️❤️❤❤🤍（可于网上预约）交通 ❤️❤️❤🤍🤍翻兜 🤍🤍🤍🤍🤍见到Popinjays近日联乘 Christian Louboutin Beauty出咗下午茶餐，趁放假又book到（两日前），咪去试吓，点知有中伏嘅感觉😵💫🥺。Popinjays 位于金钟中环一带，处于酒店顶楼嘅餐厅。下午茶餐正价每位HK$428＋10%。佢嘅位置同价钱难免会令人有一定嘅期望。🤔我就觉得佢哋嘅食物同服务连一般餐厅嘅水平都未有😮💨，都几失望。正所谓百货应百客。希望今次嘅分享，会帮到心大心细谂紧去唔去试吓嘅朋友。1️⃣ 甜点：呢个下午茶餐主要卖甜点，眼见主要系蛋糕，另有MACARON同LAMINGTON，卖相唔系精致果种。蛋糕以海绵同Mousse为主。无论卖相、味道定质感，我个人就觉得有啲似食紧美❤集团饼店果种蛋糕😵💫甜点系自助形式，scones就由侍应送上枱（喺我行开咗去攞嘢食果阵上咗，所以唔知
食物 🤍🤍🤍🤍🤍（甜点及精致咸点半自助下午茶）
环境 ❤️❤❤🤍🤍
服务 ❤️🤍🤍🤍🤍（有cloakroom服务 / 冇人介绍餐牌）
攞位 ❤️❤️❤❤🤍（可于网上预约）
交通 ❤️❤️❤🤍🤍
翻兜 🤍🤍🤍🤍🤍
见到Popinjays近日联乘 Christian Louboutin Beauty出咗下午茶餐，趁放假又book到（两日前），咪去试吓，点知有中伏嘅感觉😵💫🥺。
Popinjays 位于金钟中环一带，处于酒店顶楼嘅餐厅。下午茶餐正价每位HK$428＋10%。佢嘅位置同价钱难免会令人有一定嘅期望。🤔我就觉得佢哋嘅食物同服务连一般餐厅嘅水平都未有😮💨，都几失望。正所谓百货应百客。希望今次嘅分享，会帮到心大心细谂紧去唔去试吓嘅朋友。
1️⃣ 甜点：
呢个下午茶餐主要卖甜点，眼见主要系蛋糕，另有MACARON同LAMINGTON，卖相唔系精致果种。蛋糕以海绵同Mousse为主。无论卖相、味道定质感，我个人就觉得有啲似食紧美❤集团饼店果种蛋糕😵💫
甜点系自助形式，scones就由侍应送上枱（喺我行开咗去攞嘢食果阵上咗，所以唔知本身系咪热辣辣上枱）。每人会有一件果仁原味scone同一件朱古力scone，配上clotted cream及橙味果酱。自问我系pastry同scone fans，本身仲想问有冇得refill，点知切开咬一啖已经碎咗﹐搽唔到酱😵💫勉强每件食咗一半。
2️⃣ 咸点：
咸点都系自助形式，比甜点嘅选择少。本身对佢嘅三文鱼牛角包有少少期望，点知咬落个牛角包好”淋”，完全唔脆口😮💨
3️⃣ 饮品：
下午茶餐包一杯茶或者咖啡，佢哋会refill热水入茶壶，咖啡就冇refill。
我之前去过果啲酒店餐厅食下午茶，佢哋会隆而重之咁过嚟介绍茶叶种类。呢间就会俾个餐牌你自己拣，餐牌亦只系有茶叶名，抱著大无畏精神，我order咗 “ENERGINGER - HERBAL INFUSION TEA”。
Order果时，侍应系直接take order，都冇讲咩嘢。最搞笑系上枱果阵，先同我讲呢种茶会有啲姜味。咁你都冲咗上紧枱，唔通我先同你讲我怕姜味？
另外，要提一提，佢哋啲茶包牌子系用”OrTea?”
4️⃣ 服务（我平日好少开呢项做标题，但系今次真系要share吓：
早到反而迟入坐：下午茶时段全部3点开始， 我早咗8分钟到，receptionist问咗我booking资料，登记咗，叫我去bar枱坐住等，话有枱会通知我。点知见到咗3点，有其他客人check in（比我迟嚟），receptionist就直接带佢哋入坐。我就继续等。等到个receptionist搞掂新嚟果班客，先过嚟招呼我入坐🫣。
开于作下午茶嘅餐厅范围唔大，一眼望晒。眼见大概有8个侍应喺度，自助餐先刚开始，未需要换碟或冲茶，侍应个样已经好忙咁。带位果个receptionist就只系带位，冇讲句野就走咗。谂住会有侍应过嚟问我哋食自助餐定ala carte (因为个menu有下午茶餐以外食物嘅价钱），我坐低咗5分钟，都冇人过嚟，唔等啦，自己出去攞嘢食就算。
我睇到餐牌有一句备注写下午茶餐包茶或咖啡先知包嘢饮。佢个餐牌茶同咖啡都有标价，唔好俾佢呃到以为系另外收费。
食食吓，有侍应送上Christian Louboutin嘅礼物袋，但我果枱只系女士先有，问佢唔系个餐包嘅咩？佢话唔系㗎，系餐厅嘅心意㖞，礼物系香水同唇膏试用版，啱女士用。奇怪嘅系我又见有啲枱，佢哋系跟人头派。如果跟人头派会正常啲啦，系咪？唔通男客人冇女性朋友？唔用得香水？系咪有啲厚此薄彼呀🙄？纯粹个人小小分享啦：我之前都有喺其他餐厅食过skincare品牌联乘嘅下午茶，礼物都系跟人头派。
我仲有留意到枱上面嘅花瓶装饰，我哋嘅枱花系满天星，唔知佢哋系咪想当干花摆，冇入水，”谢谢”哋。花儿也谢了。话晒系酒店餐厅，有啲interesting，可能又系我谂得多咗。
用餐小贴士：
🔅如果想去用餐，可以经网上订枱，以openrice为例，我呢次就周一至周五做紧75折。
🔅以我所知，佢哋UG楼层嘅Garden Lounge有三层架嘅afternoon tea set，有兴趣试The Murray酒店餐厅嘅可以check 吓。
餐牌
用餐环境
免责声明：上述纯粹个人观察/ 经验/ 体验/ 👀👂👅👃🏻/ 感受。只供参考。如有雷同，实属巧合。
张贴
