影片
更多
2019-01-12
155 浏览
好耐未上嚟写过食评，今日真系顶唔顺嚟间嘢......话说我哋喺板长食完寿司，我有啲"市花行"，见到对面开咗间新嘢(就系嚟间"好嘢")，就叫个仔趁等紧外卖嘅时间就过咗对面买几杯试下。一去到见到啲餐牌啲字细到睇都睇唔到，我就即刻懒醒攞咗个外卖餐牌，哗原来一样系睇唔到嘅，已经觉得唔系好老黎。啲恐怖嘅嘢而家至开始，先嚟我想饮厚奶抹茶，就问个店员边度系厚奶系列，佢猛指住个餐牌话鲜奶喺呢度，同佢讲咗好耐佢都系话鲜奶系喺嚟度。我谂住算数𠮶阵，突然有个男店员话鲜奶等于厚奶？！最奇怪嘅系我面前大大张广告牌写住黑糖珍珠厚奶，有图有真相。（我以为自己精神分裂）算数啦，佢哋咁坚持我就抱住中伏嘅心态满足下佢哋。叫咗一杯宇治抹茶玉露鲜奶32蚊，跟住又叫咗一杯珍珠奶茶26蚊、一杯红豆奶茶26蚊，同黑糖珍珠厚奶36蚊。跟住拎到嘅时候望落去都无嘢嘅跟住咪走啰.......恐怖嘅事又嚟，我个仔一拎出嚟，只杯薄到唔知点形容，面头张纸好有国内feel......我摸一摸落个杯底竟然系热嘅？！首先杯黑糖先，我个仔话杯嘢唔够冻：连一啲冰都唔落。36蚊明明系买佢冻，而家真系唔知似乜；之后到啲黑糖，唔讲都唔知原来系sell黑糖；再到
话说我哋喺板长食完寿司，我有啲"市花行"，见到对面开咗间新嘢(就系嚟间"好嘢")，就叫个仔趁等紧外卖嘅时间就过咗对面买几杯试下。
一去到见到啲餐牌啲字细到睇都睇唔到，我就即刻懒醒攞咗个外卖餐牌，哗原来一样系睇唔到嘅，已经觉得唔系好老黎。
啲恐怖嘅嘢而家至开始，先嚟我想饮厚奶抹茶，就问个店员边度系厚奶系列，佢猛指住个餐牌话鲜奶喺呢度，同佢讲咗好耐佢都系话鲜奶系喺嚟度。我谂住算数𠮶阵，突然有个男店员话鲜奶等于厚奶？！最奇怪嘅系我面前大大张广告牌写住黑糖珍珠厚奶，有图有真相。（我以为自己精神分裂）
算数啦，佢哋咁坚持我就抱住中伏嘅心态满足下佢哋。叫咗一杯宇治抹茶玉露鲜奶32蚊，跟住又叫咗一杯珍珠奶茶26蚊、一杯红豆奶茶26蚊，同黑糖珍珠厚奶36蚊。跟住拎到嘅时候望落去都无嘢嘅跟住咪走啰.......
恐怖嘅事又嚟，我个仔一拎出嚟，只杯薄到唔知点形容，面头张纸好有国内feel......我摸一摸落个杯底竟然系热嘅？！
首先杯黑糖先，我个仔话杯嘢唔够冻：连一啲冰都唔落。36蚊明明系买佢冻，而家真系唔知似乜；之后到啲黑糖，唔讲都唔知原来系sell黑糖；再到杯茶，可以话除咗用好乜甜之外，都唔知仲有乜特别；最后到珍珠，咬落去好硬好硬，无珍珠嘅质感之余又无乜味。一试招牌嘢就伏到我个仔想喊啦，总之唔系好值我用36蚊买嚟杯嘢，买个老麦做宵夜都得啦。
我返到屋企，自己拎起咗杯玉露（其余两杯畀咗老公同佢个Friend。）包装唔好再讲啦，一饮落去果然唔系厚奶，我都预咗㗎啦。不过算啦唔买都买咗，就等我试试......唉！𠮶啲抹茶粉好浓：水还水，粉还粉，特别分明再试下啲玉露......哗真系好大镬竟然十粒着咗十粒未煮透，咬落去粉粉哋，十足十啲啲米未熟咁上下感觉。杯嘢咁贵又唔舍得唔饮......焗住饮咗一半谂谂下都系顶唔顺都系写食评希望嗱嗱声公告天下等唔洗咁多人中伏啦
P.S. 希望老公佢哋饮完唔好炳我
张贴
