影片
更多
2015-12-08
578 浏览
咁大个仔第一次踏足河上乡，人生路不熟，梗系要搭的士啦 ﹗多谢两位同事专程黎到兜埋我，话咁快转埋湾就望到目的地喇。有的士直接系门口落真好，如果搭小巴的话，要系总站惩教处落再要行五分钟架。室内地方都好大，乡村地方系唔同啲。仲有冷气、电视、卡拉 OK 同麻雀打添呢。同事们一收工就即时出发，我放假系屋企瞓觉，所以差不多够钟先慢条斯理到达。佢地已一早食紧头盘麻雀加跑马，气氛都非常紧张精采，好搞笑。另一边厢，战况都十分激烈紧凑 ﹗见梁经理已经非常进取，但依然不敌 ﹗卢猪萍黎招合体大技 ，三娘教子 ﹗梁军全体覆没，输甩裤喇，哈哈 ﹗连旧同事都一齐黎聚聚旧，凑凑热闹，真有心呢。难得今晚辉仔、萍妹、鹭妹都抽空参加活动，攀山涉水、长途拔涉，辛苦晒。热豆腐花，加上大量姜汁同黄糖好好味㖞，虽然我唔多喜欢食甜，但都觉得味道唔错，食得过。豆味香浓，质感幼滑，热辣辣，Good ﹗罗太豆花依度居然有自家制腐竹、腐乳卖㖞，原来系自家豆品厂黎架。除左腐竹、腐乳，仲有自家制咖哩、沙嗲卖呢，我都每款买一樽返屋企试下先。各同事都唔执输，买返几樽放屋企先得，难得黎到河上乡都要买少少手信啦。等左个几钟终于开始烧，好采我都唔系太早黎
热豆腐花，加上大量姜汁同黄糖好好味㖞，虽然我唔多喜欢食甜，但都觉得味道唔错，食得过。豆味香浓，质感幼滑，热辣辣，Good ﹗罗太豆花依度居然有自家制腐竹、腐乳卖㖞，原来系自家豆品厂黎架。除左腐竹、腐乳，仲有自家制咖哩、沙嗲卖呢，我都每款买一樽返屋企试下先。各同事都唔执输，买返几樽放屋企先得，难得黎到河上乡都要买少少手信啦。等左个几钟终于开始烧，好采我都唔系太早黎到，我又唔打牌、唔赌马既，实闷鬼死。猪扒、鸡中翼、厨师肠、鸡扒上路先 。
我又要洗出三叉流喇 ﹗唔系因为我好肚饿，只系想悭时间、悭能源啫，要环保又要合乎经济效益麻，我快快食饱就可以帮大家烧啦。都唔知由几时开始烧烤一定要加蜜糖，唔理鸡牛羊猪好、唔理黑椒沙嗲咖哩洋葱好，总知通杀全部浸蜜糖啦 ﹗味道边会夹架，劲搞笑。而且蜜糖加热会变酸、变反式脂肪及不饱和脂肪，个个变晒肥佬肥婆啦。
厨师肠，真厨师鸡肉肠啊 ﹗唔系怪味肠，有良心 ﹗烧到皮脆肉香就最美味，要内外热辣辣，一咬喷烟就最 standard 喇。我烧烤系全走蜜糖架 ﹗黑椒鸡扒，好味啊 ﹗黑椒味浓无孤寒落足料，耐心慢烤皮脆肉嫩，一扯喷汁 ﹗劲爽 ﹗有骨洋葱猪扒，肉质富弹性又有咬口，淡淡洋葱味道搭上浓厚猪肉香，烧到微燋就特别香口美味。蒜香鸡中翼，慢工出细货，千奇唔好贪快似实猛火区，唔系浓晒都未熟呢 ﹗慢慢烧到佢胀卜卜又饱满。睇下佢皮光肉滑几鬼靓，肥嘟嘟成只啪入口，肉汁澎湃，口爆一滴不漏 ﹗鸡汁完全回收到肚里去，坚系齿夹留香。
黑椒牛扒，平价牛扒烧熟啲好，平时食开 3 成熟，依家都系食 7 成以上稳阵喇。烧到外层金黄带脆劲香口，撕开肉质结实有嚼劲，泛著吸引的微红色，味道浓郁入味又不乏牛肉香，满意。牛丸、墨鱼丸均大路，中规中句，有点粉口呢。鱼蛋、大红肠够安全，无投诉。
游水花竹虾，外购。虾虾虾虾虾，正呀 ﹗哈哈哈。花竹一出谁与争风 ﹗咁快就出花竹虾喇㖞，忍您好耐喇 ﹗终于到我出手，起个双飞先 ﹗双虾出海 ﹗真系唔加蜜糖好食好多呢 ﹗原味非常好食 ﹗虾肉鲜爽弹牙，浓郁海水咸香，不需任何调味料，完全纯正天然，烤过既虾壳香味已浸到虾肉之中，无得输 ﹗沙嗲鸡肾，好爽口啊 ﹗不鞋不硬，高质。
大蚬，外购。除左大虎虾外，大蚬都系今晚既焦点，惹黎全场食家既关注。我忍无可忍喇 ﹗唔等您个铁丝网，用叉都烧得到啦 ﹗Sorry，自私烧。好新鲜既大蚬，仲识跳舞架，左郁郁、右郁郁。见佢笑得好开心㖞，擘到个口咁大呀。碳烧正到不得了 ﹗碳烧跟海鲜简直系绝配，咸味跟碳香味夹的痺 ﹗大蚬肉劲鲜甜又肥美，肉汁跟海水锁住系蚬肉之中，一咬爆浆 ﹗比刚才既花竹虾更美味 ﹗
锡纸焗芝麻虾，外购。虽然虾仔细细但五脏俱佺，我一向对芝麻虾一般，但佢又真系好鲜甜既，肉质好滑添。无可否认，我只系较喜欢食中虾、大虾啫，人本性都系贪心的 ﹗哈哈。钖纸盐焗香茅乌头，外购。估唔到会好味成依个程度，肉嫩而多汁，焗既时间刚刚好呢 ﹗骨少啖啖肉，抢呀 ﹗令我念起湾仔东宝小馆既香芧乌头啊，味道都好相似。娜姐腌制既美味乌头，迅间消失左呀 ﹗我记得百佳都有得卖架㖞，包好晒仲有埋香茅、青柠、南姜、等等。
比目鱼，外购。第一次买黎烧烤，先用黑椒及海盐腌一腌，唔知味道如何呢？鱼肉太软一定要用网烧，而且一熟就会散呢。鱼脂劲夸张，成手都系油淋淋，烧既时候鱼油不停滴出，火光红红 ﹗鱼味淡质地棉滑，口感劲油，麻麻地。睇黎都好干煎或脆炸最好味，要迫出大量鱼脂先得。三文鱼，外购。烧三文鱼都系第一次，依旧要网烧，同上用黑椒及海盐腌。熟既三文鱼扒我真系唔多喜欢，好油啊 ﹗质地干鞋结实鱼味淡。我宁愿烧鲳鱼、乌头、红三鱼、黄花鱼、马友，都好食过佢百倍。
各食家既小宇宙都燃烧得琳璃尽至，食物已扫得七七八八，所剩无几喇 ﹗姣里亥啊 ﹗
热豆腐花
41 浏览
0 赞好
0 留言
比目鱼，外购
13 浏览
0 赞好
0 留言
三文鱼，外购
17 浏览
0 赞好
0 留言
大蚬，外购
9 浏览
0 赞好
0 留言
游水花竹虾，外购
47 浏览
0 赞好
0 留言
沙嗲鸡肾
42 浏览
0 赞好
0 留言
大蚬，外购
28 浏览
0 赞好
0 留言
大蚬，外购
44 浏览
0 赞好
0 留言
锡纸焗芝麻虾
44 浏览
0 赞好
0 留言
钖纸盐焗香茅乌头
50 浏览
0 赞好
0 留言
钖纸盐焗香茅乌头
55 浏览
0 赞好
0 留言
张贴
