台灣小倆口三文治 (已結業)

我系荃湾返工, 日日都会经过"小俩口", 一直都以为佢地只系有三文治卖, 前排再经过买三文治既时候, 同老板闲谈先知道"小俩口"原来仲有其他野卖, 台式蛋饼同汉堡都有添, 最抵死既就系连Party到会既服务都有, 寻日系我个仔仔三岁既生日, 我前几日就去"小俩口"order左一d小食同甜品, 估唔到d朋友都话好食, 我自己最钟意既就系三文治拼盘同鸭胸肉拼肠仔菠萝, 老公就话卤水牛展火鸡肾同埋黑椒牛柳丝饭最好食, 仔仔当然最UM食就系芒果椰果布甸啦! 不过我都系第一次尝到有椰果既布甸, 口感一流, 估唔到误撞误打咁订Party, 都有咁多惊喜, 8样野都几大份, 价钱都唔算贵, 1500大元有找, 加埋我自己订既蛋糕同其他食品, 都够30几人食饱添! 下次我打算再去"小俩口"试吓佢地既招牌货"总裁牛肉堡"同埋台式蛋饼, 捻起都好想食添.....超赞!