Dood Bottega Gelateria (已搬遷) 新店位置

呢排同事系咁问点解我唔钟意食雪糕同gelato, 其实我又真系比较少食，一嚟女仔成日惊𠮶几日痛就食少啲冻嘢，二嚟，我好惊食到成身都系，反正就真系无咩好钟意食雪糕，比起雪糕，我会宁愿食甜品/蛋糕，个人喜好嚟。不过，我系开心果控，有开心果嘅product 我都会去食吓，好钟意𠮶种坚果嘅味道。知道有间gelato 有呢只味，我就二话不说去到湾仔试下，拣咗开心果同埋蜜瓜味，蜜瓜雪糕又系另一只有情意结嘅嘢。呢个就唔系𠮶只食开呢蜜瓜味嚟，可能因为系美国蜜瓜，佢比较清香同淡甜咁嘅味，唔识点形容，有啲甘甜𠮶信甜，anyway, 我本身就麻麻呢只蜜瓜味，但撞落只开心果，个味又唔同啲，几特别，好似系蜜瓜嘅清新会带岀开心果嘅咸同坚果嘅味道，不得不赞佢系我最近食过最浓烈开心果味嘅开心果副产品，如果你钟意食开心果你一定会好开心，因为佢个味道就真系好似你食紧开心果咁，exactly 一样，但同时带点甜，亦无平时食完开心果嘅热气😂我觉得可以一试。