太平館餐廳

营业中

休息中

为咗响应“大台”东X西望”嘅广告效应！我哋一行7人浩浩荡荡咁有目的哋去食“梳平厘”！😄明知太平馆中午时段都几多人排队，我呢啲识途老马梗知道要订位先为上策！😆由其系我哋重系7个大人，重唔速速订位咩😤我哋先头部队喺12:30到达，侍应,哥哥就带我哋入座，(其实我帮衬咁耐，佢哋嘅服务态度都唔系咁差！反而重觉得佢哋招呼得好勤快吖！😊👍)好喇！我点了：黑椒猪扒并牛舌(大热胜出我哋大部份都点呢个餐，/粟米忌廉汤！)先嚟热辣辣嘅餐包配忌廉汤😊(忌廉汤都好大碗，其实佢哋嘅罗宋汤都唔差架)跟住饭到喇！我和同事都差不多食完饭！当然等戏肉~梳乎厘“到”！大家不约而同呼叫：哗哗哗啦😂个梳乎厘大到呢！相机唔少得食先啦😜梳乎厘松软有蛋香！甜度适中，食到大家都欲罢不能！大家讲笑话下次每人叫一个食添！😂太平馆除咗瑞士鸡翼、梳乎厘、烧猪脾肉出名外！其实我个人都喜欢焗芝士虾球饭(之前起码有7只大虾😊现在约5只啦)砵酒牛舌(牛舌软淋，砵酒汁香浓带少少苦味！)💥其实太平馆啲服务真系唔差㖞！啲侍应哥哥醒目勤快，见我哋好似有啲餐未嚟都即刻帮我哋跟进，出餐又快！😊