影片
更多
2015-02-01
1370 浏览
我住响西环，每日都会经过第三街！阿元来了开咗大概只系两三个礼拜，但系对我嚟讲，简直系西环奇境，我从未见过西环有餐厅可以咁人潮汹涌澎湃㗎！每当午饭时间经过，啲人多到企埋出马路，下午茶时间都座无虚席，而晚饭时间呢，索性截人关闸，门口贴咗张橙色纸，写住「卖完了！」。我谂可能装修比较有特色，我时不时经过都见到有小朋友「螺」爸爸妈妈要入去食嘢，好得意！其实响阿元来了装紧修时，我已经有留意第三街呢度会开间台湾嘢，不过作为空姐嘅我，经常流连台湾各大小夜市，最初又点会有期待吖，到而家见到场面咁嘘陷，唔试吓，又点对得住自己个胃呢！况且又可以多个话题同朋友倾！言归正传，呢日行过嘅时候大概系下昼三点几，我哋两个人，好快就可以入到座！门口个四眼叔叔好殷勤，仲有个操台湾腔嘅姐姐带位。咦～原来唔止带位姐姐操台湾腔，连厨房个肥哥哥同整珍珠奶茶个妹妹都操台湾腔，即时加分啦！Open Kitchen 个装横整到同夜市嘅档摊一模一样，我开始满有期待，觉得可以食到台湾味道！点菜纸上嘅选择虽然唔算多，但好多嘢出面好少见，譬如四神汤、双旦煎、麦克鸡块、甘梅地瓜等等⋯有烦台湾腔姐姐好有耐心咁逐一解答。最终我哋点咗鲁肉饭、虾仁煎、
我住响西环，每日都会经过第三街！阿元来了开咗大概只系两三个礼拜，但系对我嚟讲，简直系西环奇境，我从未见过西环有餐厅可以咁人潮汹涌澎湃㗎！每当午饭时间经过，啲人多到企埋出马路，下午茶时间都座无虚席，而晚饭时间呢，索性截人关闸，门口贴咗张橙色纸，写住「卖完了！」。我谂可能装修比较有特色，我时不时经过都见到有小朋友「螺」爸爸妈妈要入去食嘢，好得意！
其实响阿元来了装紧修时，我已经有留意第三街呢度会开间台湾嘢，不过作为空姐嘅我，经常流连台湾各大小夜市，最初又点会有期待吖，到而家见到场面咁嘘陷，唔试吓，又点对得住自己个胃呢！况且又可以多个话题同朋友倾！
言归正传，呢日行过嘅时候大概系下昼三点几，我哋两个人，好快就可以入到座！门口个四眼叔叔好殷勤，仲有个操台湾腔嘅姐姐带位。咦～原来唔止带位姐姐操台湾腔，连厨房个肥哥哥同整珍珠奶茶个妹妹都操台湾腔，即时加分啦！Open Kitchen 个装横整到同夜市嘅档摊一模一样，我开始满有期待，觉得可以食到台湾味道！
点菜纸上嘅选择虽然唔算多，但好多嘢出面好少见，譬如四神汤、双旦煎、麦克鸡块、甘梅地瓜等等⋯有烦台湾腔姐姐好有耐心咁逐一解答。最终我哋点咗鲁肉饭、虾仁煎、盐酥鸡、皮旦豆腐同四神汤。点菜纸上写住，每叫一个正餐加十蚊就有嘢饮，出示学生证仲有九折，都真系几街坊价！
第一道上枱嘅，竟然系一只放响铁板上嘅鸡翼，正想话我哋都冇叫到鸡翼时，就发觉原来只鸡翼系假㗎，只系用嚟扎住张单嘅模型！真系几可乱真！好盏鬼好跳皮！
鲁肉饭终于出场啦！一条条嘅鲁肉正站在珍珠米上同我打招呼，唔肥唔瘦刚刚好，味道比我响台湾食嘅有过之而无不及！其实我响台湾见到嘅，都系肉燥饭居多，一条条肥瘦肉分明嘅鲁肉，已经买少见少㗎喇！我俾满分！
个皮旦豆腐最有趣，正路嚟讲，皮旦就系皮旦，豆腐就系豆腐，边谂到会有人咁有创意，将佢哋搞烂混埋一齐，老实说，卖相真系麻麻，不过味道出奇地夹，我哋清晒！
轮到个四神汤，台湾腔姐姐放低时讲咗一大渣药名，我净系听到好似有当归同薏米，就眼所见，浮咗几旧猪大肠！我本人都好食得肥腻吓，尤其是猪大肠越肥越香，唔肥就唔好食！个汤饮落药材味唔太浓，但充满猪肠嘅独有香味，我钟意喔！
盐酥鸡亦都好精境㖞！首先佢嘅颜色唔深，呢个好紧要，一间餐厅系咪有良心，系咪用心制作，睇佢嘅油炸出品就知！颜色唔深代表冇用万年油，代表呢间餐厅宁愿不惜工本都唔想食坏人！赞！至于味道呢，佢嘅调味料唔太咸唔太辣，啱啱好但系又好香口好惹味！旁边条金不换本应系装饰，但系唔知点解又好好食㖞，真系奇怪！块鸡外脆内滚，证明系即炸！入口唔肥腻，垫底张吸油纸唔太油，即系厨师好有经验，油温控制得好好！
最后系个虾仁煎，食开都系蚵仔煎，虾仁煎其实第一次试。只只虾都好大只，有成七八只咁多，真系冇欺场。因为我钟意食海鲜，虾同蚵仔我觉得一样咁好食，里面有旦有A菜，充满浓浓台湾味！
食饱饱见好多人周围影，我都唔执输影埋一份，呢度装修真系好有心思，外面平台有个幸福里公布栏，又有霓虹灯加槟榔摊，墙上用油漆喷满广告，真系好似置身台湾嘅民居！
张贴
