炑八韓烤 (已結業)

早2日有朋友 post 咗张酱蟹相, 搞到我心思思, 今日上网睇吓见到荃湾有炑八, 即刻打黎订位试吓, 黎到见到好多花牌, 原来系啱啱开张第3日, 唔系好多人知道, 所以唔系太多人, 地方都仲好干净。  一坐低就上咗2碟前菜、生菜、沙律、仲喺个烧烤锅度加咗粟米芝士、泡菜蛋浆。  除咗沙律之外, 其他嘢都可以无限添加, 又几好㖞。喺 openrice 见到有酱油蟹优惠劵, 原价$198, 打印优惠劵只需要 $128, 梗系要食啦, 一坐低就叫咗一碟, 腌得好入味, 啲蟹肉好嫩滑, 不过可惜得一只, 唔够喉! 霜降牛小排, 薄薄8块要$190, 有啲啲贵海鲜煎葱饼, 无乜味道, 我觉得麻麻地石头锅饭(猪肉), 味道唔错, 料亦唔少一向都好钟意食生牛肉, 唔系间间韩式食店有, 见到呢度有, 梗系叫黎试吓啦, 啲生牛肉, 加上雪梨同青瓜, 好鲜甜、清爽。生梅头肉都几大件吓, 肉质都好林薄切生五花腩, 个样好似烟肉, 都几肥吓, 好邪恶呀牛舌好有牛味(牛有牛味, 哈哈!), 好林牛胸肉好好味实在太饱, 无机会食甜味。可能因为新开张, 点菜既时候啲服务员唔系好熟, 不过服务态度好好。