牛摩 (都會駅)

营业中

休息中

牛摩真系一间好吸引既打边炉放题之选,而且调景岭真系好缺咁正既放题餐厅,所以今日去食,超多人排队,而且仲系源源不绝,真系超吸引。首先佢汤底同埋边款牛都是自选的,因为难得入黎食,就选左比较滋润同香口既:汤底:博多美人骨胶原啫喱鸡白汤、港式特浓沙嗲汤放题:极品美国牛小排餐~最吸引系有美国牛小排同埋SRF 美国和牛,睇相就知正~牛味重、肉质软腍~加分!!!!另一加分位系有羊肉卷,因为都系比较少有放题可以任食，质素好高，肥瘦适中，羊膻味唔会太重海鲜类别都有靓:广岛蚝、加拿大翡翠螺、半壳扇贝、鱿鱼仔、墨鱼滑，真心系够大只同新鲜,都几值得选依个餐当然唔小得有自助区,真系好多选择,蔬菜、丸类、冷盘、熟食、朋友喜爱食菜,牛摩有羽衣甘蓝,真系唔系间间有架,又加分啦,饮品多选择到不得了,一定有你喜欢既选择。打边炉当然唔小得既系酱料区,哗,好香好多选择,又加分!!最后仲有雪糕、爆谷同埋甜品,真系饱到第二朝呀,超满足同超开心~服务员都系超有礼貌~加晒分!