影片
更多
2021-09-06
2088 浏览
3年几前帮衬过「虾面店」架喇，不过，当时喺鲗鱼涌店分店（总店味湾仔店），原来，依家已经开咗好几家分店。今晚，同一位死佬嚟到荃湾分店，品尝吓马拉嘢，因为大家都好钟意马来西亚，疫情下，相信有排都未出到门。仲记得𠮶时去鲗鱼涌店，店铺比较细，但装修就有几典型南洋风格，墙上贴满好多黑白嘅槟城相片，都喺一啲老照片，显示旧时槟城嘅社会景象。荃湾店就截然不同，以色彩鲜艳为主，黄黄白白为主色调，部份座椅又用上抢眼嘅橙色，感觉年轻化咗。餐牌好大本吓，内页有很多，不过，今次无详细研究，主要都喺瞄准个「全日二人套餐」，因为$258 就有两个主食、一份指定小食、两份自选小食、两杯饮品、两份甜品，而饮品亦有升级优惠，可以讲够晒丰富，定价相宜。店家用维码落单，而个二人餐本身选项多，尤其主食可以左搭右搭，我哋都搞咗好一阵子。不过，如果大家唔熟咁样落单，就直接揾店员帮手好了，免得自己落错，又再揾店员搞番正，咁就仲烦。马来香炸鸡翼+马来沙嗲鸡髀肉串先登场喺指定嘅小食，鸡翼新鲜炸起，热辣辣，脆卜卜，腌得都算入味，食落亦唔喺好油；鸡髀肉串铺满大量沙嗲酱，够晒马来风味，而鸡脾肉亦好够滑，个沙嗲亦够晒花生香。辣味虾汤虾肉鱿鱼掺掺
仲记得𠮶时去鲗鱼涌店，店铺比较细，但装修就有几典型南洋风格，墙上贴满好多黑白嘅槟城相片，都喺一啲老照片，显示旧时槟城嘅社会景象。荃湾店就截然不同，以色彩鲜艳为主，黄黄白白为主色调，部份座椅又用上抢眼嘅橙色，感觉年轻化咗。
餐牌好大本吓，内页有很多，不过，今次无详细研究，主要都喺瞄准个「全日二人套餐」，因为$258 就有两个主食、一份指定小食、两份自选小食、两杯饮品、两份甜品，而饮品亦有升级优惠，可以讲够晒丰富，定价相宜。
店家用维码落单，而个二人餐本身选项多，尤其主食可以左搭右搭，我哋都搞咗好一阵子。不过，如果大家唔熟咁样落单，就直接揾店员帮手好了，免得自己落错，又再揾店员搞番正，咁就仲烦。
马来香炸鸡翼+马来沙嗲鸡髀肉串先登场喺指定嘅小食，鸡翼新鲜炸起，热辣辣，脆卜卜，腌得都算入味，食落亦唔喺好油；鸡髀肉串铺满大量沙嗲酱，够晒马来风味，而鸡脾肉亦好够滑，个沙嗲亦够晒花生香。
辣味虾汤虾肉鱿鱼掺掺死佬食得辣，所以，拣咗个辣味虾汤，佢话个汤底几得，辣得嚟唔呛喉，又有啲虾鲜味，香辣醒胃；虾肉就嫌切得细片得滞，但啲鱿鱼就几好，配掺掺，即米粉加油面两沟，口感过瘾。
咖喱叻沙汤虾肉肉骨檬粉 +$12小弟一向都颇钟情叻沙，所以，汤底一早心仪咗咖喱叻沙汤，再选虾肉搭肉骨，拣呢个需额外加钱。捧到嚟，个叻沙汤非常之香，细尝一啖先，好香马拉风嘅咖喱味，即喺带有椰汁及香料香，浓厚而顺滑，挂满汤嘅檬粉都变得宁舍好食；虾肉确喺切得细片咗，但啲肉骨好松化。
咖喱叻沙汤虾肉肉骨檬粉
21 浏览
0 赞好
0 留言
沙嗲酱杂锦鱿鱼秋葵乐乐简单嚟讲，就喺一啲土鱿、鲜鱿及秋葵，再加上沙嗲酱嘅小食，可能啲沙嗲酱够晒惹味，好似衬咩都好食啲咁，而土鱿咬落有啲韧劲，鲜鱿就爽口啲，加埋秋葵，下面仲垫有少少银芽，作为食面嘅配菜确喺几唔错。
五香脆炸豆腐豆卜另一道自选小食拣咗豆腐豆卜，又喺简单嚟讲，就喺炸好嘅豆腐同豆卜，洒上五香粉即成，最紧要喺豆腐、豆卜都炸得香脆不腻，而五香粉就令到个味道更香口，若怕热气，可以沾一沾附上嘅酸酱，点咗之后又有唔同味道。
冻冰糖柠檬薏米水 +$10套餐所包嘅基本饮品都喺啲港式啡茶、汽水，所以，我哋都改饮特饮。小弟今次就懒健康，要一杯冻冰糖柠檬薏米水，杯底有好多薏米，入口又有阵阵柠檬香，加入冰糖去煮自然感觉更加润啲。
冻槟城焦糖咖啡 +$10老友一向喺夜鬼，半夜三更先有灵感写稿，所以，咁夜佢都唔怕饮咖啡，就要了一杯冻槟城焦糖咖啡，色泽比较深，有少少似斋啡感，佢就话几香，有阵阵焦糖香，喺几好饮㖞。
榴梿咖央多士最近，喺甜品时间，难得有榴梿，就自然拣榴梿咖央多士，唔好期望有一大抹榴梿果肉之类，其实，榴梿嘅味道唔喺好强，加上搽埋咖央，入到口先食得出榴梿味，但整体都OK嘅！
桔子香茅冻老友话呢个好食，一来桔子加上香茅嘅味道清新而独特，二来做成果冻，晌呢啲时节食感觉就特别凉爽，口感滑滑溜溜，仲加咗好多咬口嘅兰香子，赞呀！
每人百零蚊可以一次过试到咁多款马拉食物，质素亦唔错，晌无得出外去旅行嘅日子，就食餐马拉嘢，就算唔当去咗，至少都当回味吓昔日去马拉嘅游历。
张贴
