影片
更多
2015-05-13
383 浏览
表姨甥女揾到份新工，话过请佢食番餐，太高档嘅嘢佢唔喺好惯，佢就最钟意啲茶记，所以想起「香港地」，因为佢走嘅虽然喺茶餐厅路线，但以环境、服务、食物秤起嚟就有菜馆嘅水准，仲记得旧年年尾嚟食过嘅 茄汁西兰花炒虾球，绝对媲美菜馆水平，绝无迤做。估唔到今晚咁多人，所以，被安排坐到最入嘅卡位，仲好啦，静静哋方便倾偈。餐厅环境干净企理，比一般茶记阔落。本来介绍啲小菜俾表姨甥女试，不过，后生女都喺哈日、哈韩，啱啱做紧个「韩风料理」推广，再者，小弟都喜欢试新嘢，所以，拣咗一个铁板珍珠饭，一个鲜人参鸡。虽然whatsapp拉近咗人之间嘅沟通，不过，点都唔及得面对面嘅嘘寒问暖嚟得亲切。铁板美国牛肩肉红米珍珠饭 $58铁板送到嚟仲感受到股热力，望落去粉嫩嘅牛肩肉非常吸引，配上两款酱汁：韩式辣酱及甜酱油。饭面煎咗只荷包蛋，笃穿之后让蛋黄流下，再将下面嘅泡菜跟饭捞匀嚟食。饭粒口感绵绵当中又有啲咬口感，蛋浆及泡菜拌匀，味道唔错，而牛肩肉嚟到时仲喺红当当，近乎利用铁板热力逼熟，所以，半生半熟状态，嫩滑而富肉香。铁板嘅功能犹如韩式石头窝，不过，别期望有饭焦嘞，哈哈。鲜人参炖鲜鸡 $72人参炖鲜鸡咪望落去细细盅，份量可不
估唔到今晚咁多人，所以，被安排坐到最入嘅卡位，仲好啦，静静哋方便倾偈。餐厅环境干净企理，比一般茶记阔落。
本来介绍啲小菜俾表姨甥女试，不过，后生女都喺哈日、哈韩，啱啱做紧个「韩风料理」推广，再者，小弟都喜欢试新嘢，所以，拣咗一个铁板珍珠饭，一个鲜人参鸡。虽然whatsapp拉近咗人之间嘅沟通，不过，点都唔及得面对面嘅嘘寒问暖嚟得亲切。
铁板美国牛肩肉红米珍珠饭 $58铁板送到嚟仲感受到股热力，望落去粉嫩嘅牛肩肉非常吸引，配上两款酱汁：韩式辣酱及甜酱油。饭面煎咗只荷包蛋，笃穿之后让蛋黄流下，再将下面嘅泡菜跟饭捞匀嚟食。
铁板美国牛肩肉红米珍珠饭
$58
22 浏览
3 赞好
0 留言
铁板美国牛肩肉红米珍珠饭
$58
21 浏览
0 赞好
0 留言
鲜人参炖鲜鸡 $72人参炖鲜鸡咪望落去细细盅，份量可不少，内里足有半只鸡，再配埋韩式炒年糕及泡菜。除炖鲜鸡，另有一款清炖鲜猪肉丸，同样卖$72，只限晚市供应。
鲜人参炖鲜鸡
$72
14 浏览
0 赞好
0 留言
韩式泡菜泡菜色泽鲜红，辛辣度无咁犀利，口感爽脆。
韩式泡菜
13 浏览
0 赞好
0 留言
咦，个炒年糕炒得几好㖞，年糕软软腍腍，一咬极烟韧，仲伴有大豆芽、五花腩，个酱浓香惹味，一大碟嘅份量，真喺配埋个鲜人参炖鲜鸡，唔饱都几难，所以，建议两个人点一份食稳阵啲，一个人食怕食唔晒嘥嘢啫。
韩式炒年糕
20 浏览
1 赞好
0 留言
因为以上两款韩食都喺散点菜式，无套餐，不过，加配饮品都会平少少。小弟杯冻柠蜜稳稳阵阵咁，而表姨甥女杯冻奶茶，佢话相当唔错，始终佢张餐纸垫都有写，奶茶喺佢哋嘅「至尊3宝」之一。
上次嚟试过佢啲传统中式糖水「汤圆生磨腰果露」，认真高水准，跟餐会比正价平$5（加配优惠），所以，推介表姨甥女试番一客唔好走宝。佢原先都打算跟我上次要汤圆生磨腰果露，可惜卖晒，但汤圆生磨合桃露佢都啱。
汤圆生磨合桃露（+20）一客有5粒迷你芝麻汤圆，粒粒细得的的骰骰，皮薄烟韧，麻蓉香甜；而合桃露口感非常滑溜、少甜，最正喺合桃味够晒香浓自然，加$20一碗，真喺超抵食。出去有啲质素嘅糖水铺，要碗乜露物露都唔止咁嘅价钱，仲要加埋汤圆㖞。
汤圆生磨合桃露
$25
21 浏览
1 赞好
0 留言
小弟本来都唔喺要依款布丁，而喺想试香港地鸳鸯布丁，无独有偶，都喺卖晒，可见佢哋啲甜品似乎几受欢迎。我杯布丁如果多番几片薄荷叶，有就更加靓仔晒。最底下喺芒果布丁，上一层喺柚子啫喱，杯面就喺西米及鲜芒果粒，食落清爽怡人，啫喱嘅柚子味十分突出，如果啲西米加少少稀释咗嘅柚子蜜就更完美！
柚子芒果布丁
$25
26 浏览
1 赞好
0 留言
张贴
