One & A Half

营业中

休息中

趁暑假仲得闲，约咗朋友同佢个b女去high tea，b女好乖，全程食嘢都训左觉，无吵到餐厅入面其他人，我地可以安心叹返个tea。呢个high tea set有4款咸食，7款甜食，甜品比较多，咸既比较日式。呢个系黑松露野菌芝士酥盒，有一片黑松露系顶，仲有啲芝士，酥盒入面有啲忌廉嘅馅。炸忌廉蟹肉薯饼都好食，入面啲忌廉馅几滑。呢个系牛油果酱烟三文鱼牛角酥，用咗牛角包压成窝夫模样，微微脆。食完咸就食甜！甜品最吸引我嘅系雪糕，个眼神好盏鬼，比利时朱古力味都几浓，不过太细支，一啖就无左！呢个系芒果忌廉泡芙，芒果肉几甜，入面系吉士酱。2杯都叫咗冰果茶，甜甜地，有啲似水蜜桃味。连埋加一$300有找，元朗比较少呢种3层既下午茶Set，而且要就返朋友带住个b女，所以我地至在有个舒服又近既地方倾下计聚下。