岩浪天扶良日本料理 (已搬遷) 新店位置

去食日本料理，识食一定系食师傅发板，因为只有师傅先知当晚有乜系最好食最新鲜，闲话少说，一齐黎睇今晚食乜先。先黎前菜三式：海胆啫喱、螺、烧鲭鱼（蚕豆） 将海胆放于啫喱内，海胆不失本身鲜味之余，鲜味亦散发喺整旧啫喱之中。 而啫喱既质感，令食客有更深一层既触觉享受。汁煮大螺，矶烧既风味，无令食材失去本身既鲜味之余，螺肉既味道更加浓郁，而且口感弹牙。炭烧鲭鱼，炭火令鲭鱼既水份稍稍抽干，令鲭鱼既鱼味更加浓郁，再配合炭烧既香味，整体味道变得有层次。沙律：冰菜、粟米、蕃茄、 无花果 本来唔喜欢食无花果，因为好怕𠮶种果甜味，但配上粟米同蕃茄，中和左𠮶种可怕既甜味，再加上冰菜既爽口，带出左一种清新自然既感觉。沙律清一清喉咙之后，师傅就为我地准备左六款刺身。石鲷鱼、梭子鱼、象拔蚌 间八鱼、拖罗、鲭鱼 头三款味道较淡。石鲷鱼配豉油萝卜蓉，石鲷肉质感觉水份较高，口感特别，味道较为清新。梭子鱼口感弹牙，少少烟纫，味道较石鲷清甜。后三款鱼味爆发。象拔蚌肉质爽口，本身味道比前两者较甜。间八，肉质厚实，有弹性，新鲜，纹理清晰。拖罗，油份均匀，油香味甘。鲭鱼，鱼味最浓，after taste 持久，而且肉质结实。刺身过