新興棧食家

营业中

休息中

好耐都冇嚟过呢间粥舖食粥嘞，好开心，今日去完医院，老公就带我嚟重回旧地，同老公喺车度已经讲好咗今日要食咩粥，好期待呢！点知，原本我想叫o既鱼卜粥，唔比落单，因为啲鱼卜而家唔够卖、又贵，所以佢哋就只卖姜葱炒鱼卜啰！最后我就叫咗一碗超劲好味、又大碗o既鱼腩、粉肠加肉丸粥嘞！老公叫咗个及第粥，一碟炸面(即系油炸鬼)，重有个重点推介炒鱼卜啦。我碗粥啲鱼腩多到泻，肉丸又甜，系啲粉肠唔系太够腍，差啲啲，同埋冇咗以前𠮶种风味啰，老板除咗喺而家近门口个位煲粥之外，重要喺巷仔近门口度煲o架，攞比客人上枱时啲生菜多到喺碗粥上面好似一座菜山咁，你话𠮶阵时点会唔多人食粥呢！我老公以前好钟意食𠮶度啲鱼皮，但今次就冇食，唔知水准有冇变。啲粥都重系好好味道，当然有些少师傅啦，所以食完都有少少颈渴，不过难得一次，冇所谓啦！