東煲西炒 (已結業)

观塘真系开左林林总总的食店， 呢日老公早收工，一齐去朋友介绍位于骆驼漆中心新开的 “东煲西炒”一尝好味又抵食的鸡煲火锅 去到7点半左右，已经几乎满场， 原来晚市“火焰鸡煲套餐”每位只是HK$168， 所以经常爆场 ~ 套餐包左点心拼盘、鸡煲、火锅杂绵并盘各一， 数十款火锅配料以及饮品任饮任食的， 另外仲可以每人加HK$48要埋精选海鲜拼盘~ 当晚的点心拼盘是素菜饺&潮州粉果，皮薄馅多 鸡煲分为甜、酸、苦、辣、奇味，我们点左奇味 鸡店员把煲放上电陶炉上再加热，用火枪将酒杯中的酒燃点， 再淋在鸡上面，然后快炒 好似d鸡识喷火~ 奇味唔会太辣，非常香口，仲有阵阵酒香 鸡肉鲜嫩香滑十分惹味~ 食完鸡煲之后加汤打边炉 追加的海鲜拼盘非常丰富， 有大大只新鲜弹牙的扇贝、 肥美鲜甜的本地生蚝、仲有花甲、青口，份量十足! 任点的火锅料选择都好多， 有肥牛、各类丸子、蔬菜等~ 饮品都有十多款唔同的，以呢个价钱真系好抵食!!!